|
يابرد الطويلين......
السلام عليكم ورحمة الله وبركاته اعود لكم بهذه الابيات عسى وليت ولعل ان تحوز على رضاكم يابرد الطويلين السلام وعساك بخير.......... ويذكرك ربي بخير يالمربعانيه اسلم واودع واتعذر عن التقصير.......... وكلن حسب نيته والنيه النيه ما احب الشتاء لكني اعاند التفكير.......... لأن اغلب افكاري مراويح صيفيه تجيني كذا متحمسه واتحمس مير.......... تعوّد تواليها على طاق طاقيه تطيّر مع العجه وتجتاحني واطير.......... واعانق زحل وانا على الارض رجليه ورجعنا على الواقع نهار الربوع عصير........ كذا فجاءة اليا اني بوسط السورقيه وعودت للالحان اغنيبها والطير.......... يغني معي كنه يعرف الهجينيه احب الشعر خلقه ولي في مساره سير......... ازيد المبدّع واستمع للعليميه ولولا غلاة اللي يبادلني التقدير.......... وحاجات في نفس العزيزي خصوصية ما صغت المشاعر شعر في غاية التعبير.......... تركت العلوم تحوم والبير مغطيه سقى الله ذكرى صاحبن ما يرد غير........... كريمن تسامت به عروشه وكرسيه عليه الخفوق يسوقه الشوق سوق بعير........... وجرد الظلوع يهبها الهم عصريه تعال ولا ابي لايامك الماضيه تبرير.......... ليا جيت يشفع لك غرامك عن السيه .............................. |
صح لسانك صح لسانك رائعة يابن العم تم النشر على تويتر https://twitter.com/beni_aziz تم النشر على الفسبوك http://www.facebook.com/profile.php?...50&ref=tn_tnmn |
مرحبا مليييييار ذكرتني بهذا الطاروق للشاعر حجاب وقمت اشيلها على نفس اللحن جمالك يخليني اسامحك لو تغلط ..لان الجميل يسامحونه بغلطاته ولا اظن مثلك يحاسب بذنبه قط ولا احد يرى لو هي قدايش غلطاته فلو قال حرف التاء يكتب بدون نقط لقالوا بان الياء ..سرق منه نقطاته !! ولو قال الف ودا ورا بمابعدها تربط بما بعدها ..قالوا قبلنا اصلاحاته ؟ وانته ولو حطيت بي شي ماينحط .. اعكسه واقول للناس ذا من حسن ذاته .. ل الله درك قسم بالله دخلت جو مع القصيده من اعلاها الي اخر بيت الي الاماااااااااام شاعر يشار لك بالبنان وارهن علي مستقبلك الشعري |
خوووووي شاعرنا المتألق دائماً / نايف معلي ..... صح لساااااااااااانككككككككك لاغرابة في فالابداع المميز ، عسى ، وليت، ولعل أن تطربني كل يوم بمثل هذه الدره ........ .............تحيتي لشخصككككككككك........... |
| الساعة الآن 11:52 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "