|
قصيدة الشاعر سعود القت في حفل طلاحبة بني عزيز
ذكر ربي والثنا فــــــي كل حــــــــال ابدابه
وذاكر الله فالرخا ينجيه وقـــــــــــت الشده وفي نهار العرض يوم الادمـــــي وحسابه يابياض اوجـــــــــــــيهنا ولا تجي مسوده يالله اجـــــــعـــــــلنا مــــــن اليمين اكتابه والمصـــــــير لجـــنة الفردوس محد ايرده عـــــقـــــب ذكره كل حر وماكسب مخلابه ومن قنا الحر النداوي فاللــــــــزوم ايسده والمعاني مثل رجـــــمــــــن عالين مرقابه ولا رقاه اللي ثقـــــــــــيل الحمل بيّح سده وعشت ياراسن جزيل الشــــعر فك ابوابه داك ابوي الله بعفوه والســــــــــنين ايمده يوم سلمنيك ياســـــــــــيف الفخر ونصابه احمد الله وارث اللــــــــــي وارثه من جده ادري اني ذيـــــــب وادري فالرجال اذيابه وكل راعـــي كيل ياخـــــــذ وزنته من مده مرحبا ترحيـــــــبــــــتن ثوب الوفا تزهابه طيبها باهل الــــــــوفا والطيب واصل حده اي ارحــــب في مـــــــحلن صاحبي حيابه ايه والميــــــــــــقاف واحد فالرخا والشده الدلال الصــــــفر دارت كيـــــــف ياشرابه واستدار العــــــود الازرق والنبا في سده قلتها عـــــــــــن لابتن نعمن بهم من لابه لابتن تسبح بحور الطـــــــــيب جزره مده يابني عـــــــــزيز ياعـــــين الوفا واهدابه يامقـــدمة الجــــــمايل واللــــــزوم اتسده الولد منكم وريث العز مــــــــــــــن شيابه والكرم والجود فيـــــــــــــكم عادتن ممتده وفي زمانن فات يوم ان الســــــنين انهابه يوم زرقات الرمـــــــــــاح ويوم فعل الرده فعلكم ماله شبيه وعـــــــزمــــــكم متشابه وكل ضــــــد اليا دعاه الـــــــشر يلقا ضده وشيخــــــكم قصرن بضله ضل من يلجابه عن معاوين الدهر فالـــــــــساعه المشتده ماينوخ غير للحمل الثــــــــقــــــيل اركابه وحاتمي لاعدو ازحـــــــــول الرجال انعده ذاك ابن عايض وعايض ســــيرته بكتابه مندهه وواالمـــــندهه معروف محدن قده غاب لكـــن عز بيت اهـــــل الوفا باطنابه مايمــــوت اللــــــي ذخر مثله وعده عده واشهد ان لي عزوتن درب الـوفا سرنابه دون واجبنا مثل ضلعن عــــــــسيرن هده منهو اللي فالقضا لاهـــــــــل القضا يأتابه غير ابن شلاح حبل الحـــــــق يفتل عقده ومنهو اللي قدم وجه الضــــيف فاتح بابه غير ابن شلاح يوم ان السنـــــين امصده ومن نخانا لو يببي سطح القـــــمر جينابه بس هجمتنا علئ كـــــتبد العــــــدو مرتده وكلبونا من مـــــــطـــــير ان هابو الهيابه الدخيل انومنه والخــــــــــــــصم ناطا خده لاخــــتــــلف وجه الزمـــان ولدرج دولابه كم مـن راعي هــــــــقاوي نوقفه في حده والقبايل نعــــم والتاريخ مـــــــــن يقرا به الحروف اللـــي على بيض السطور اتسده ومن حسب للناس يلقا من يحسب احسابه ومن يصد اعـــــن الحقايق ماله الا الصده وادعو لجــــــــبار ربن ماخـــــــسر طلابه من ثياب العافـــــــيه يكســــــيه ثوبن قده حـــــكـــــم ربي فوق خلقه والقدر نرضابه كل شــــــي فـــــــي ســـجل الادمي لو وده والله اللي قال عــــــبدي، يصبر ابما صابه الثــــــــواب يزيد له والــــــــذنب يعطا نده وعزك الله ياوطــــــــــن بيت الله ومحرابه والله انا دون حــــــــــدك كل كــــــــيد نلده والنهـــــايه كل حـــــــر وما كسب مخلابه ومــــــــن قنا الحر النداوي فاللزوم ايهده الشاعر /سعود بن عمار القت |
الف مبروك نجاح الحفل
اخي سموالذات يسعدني حضورك ونقلك للقصيده الرايعه للشاعرسعودالقت وصح لسانه واعتلاشانه واتمني ان تنقل لنا بعض الصورمن الحفل اذا امكن شاكر ومقدر تعاونكم واستأذن سموك بالتنسيق |
ما شاء الله يبارك الله مقام يرفع الراس ويبيض الوجة صح للسان الشاعر وشكرآ لكاتب الموضوع تم النشر على تويتر https://twitter.com/beni_aziz تم النشر على الفسبوك http://www.facebook.com/profile.php?...50&ref=tn_tnmn الرسالة الفيس بك My account has been closed temporarily for security reasons |
بيض الله وجيهكم على التنسيق والنشر
والتغطية انشالله بتنزل قريب |
أخي العزيز ... سمو الذات نبارك لكم نجاح الحفل ، ولاهو غريبه التميز لديكم سلمت أناملك اللتي نقلت لنا هذه الدره المصونه اللتي نبعت من هاجس شاعر عملاق وصح لسان الشاعر الكبير سعود القت بيض الله وجهك ،ووجهه لك مني أجمل تحيه أخي سمو الذات |
الف مبروك نجاح الحفل
وصح لسان الشاعر الكبير سعود القت بيض الله وجهك ،ووجهه المايسترووووووو |
بيض والله وجهك اخوي ابو يزيد نقل موقف لقصيدة جزلة صح الله لسان الشاعر سعود بن عمار وبيض الله وجه ابدع في القصيدة وجزل ابن عمار كما عودنا سلم بنان ناقلها |
| الساعة الآن 06:12 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "