اسباب الشيب
 

الشاعر ضيف الله بشير العزيزي
قالوا علامك نابت بدقنك الشيب
قلت الزمن عقب بوجهي مواري
شيبي وقار ولالحق وجهي العيب
ولايمكن امشي في دروب المزاري
يعلمبي اللي عالم السر والغيب
لوكنت يابن الناس مانته بداري
شايب ولكن ماتركت المواجيب
وانا بدوي عندي سلوبن حضاري
اقدر الطيب وخاوي هل الطيب
ولاحدن علي يصدر امره جباري
وعندي لحل المشكلات الاساليب
بحسب معرفتي وحسب اقتداري
ولامشي مع الصاحب بشين الهناديب
ومن شان طبعه مايجي لي مباري
والناس فيها يخطي الضن ويصيب
والسوق شغله بين بائع وشاري
احدن حياته كلبوها عواقيب
من كثر ماتجري عليه الجواري
واحدن معب البنك ومعبي الجيب
ولمدت الجزلات ماهو بضاري