منتدى بني عزيز الرسمي من مطير

هذي القصيده موجهه من الشاعر عايض ابن نور العزيزي اللي الشاعر مسعد ابن غالب العزيزي

ياراكب اللي سعره بغالي الاثمان ----- فســــكار مـن لايمـــــــلكه عزتــــيله
تــوه نزل للـــمـــلكه صـــــنع يابان ----- الفـــين وعـــشره تو جـــابه وكــــيله
في الخــط ماهمه ولو كان ما كان ----- في الطعس ولافي الخطوط الطويله
انشهد ان شاريه ماهو بخـــسران ----- مهما دفـــــع به من دراهــم قلــــيله
دبل جــــناح وفزته فزت حـــــصان ----- له نورً يداوي القــــــــلوب العلـــــيله
مراتبه مخــمل شــــفا كل مرضان ----- اســــــطب ليـــــزر زين والله مــديله
يا سايقه سره وبعــــطيك عنـــوان ----- عــــنوان منــــي لاتضــــيع دلــــــيله
بالله ســــره ثم نـــصه كحــــــيلان ----- الصاحـــــــب اللي مانــــدور بــــديله
مسعدولدغالب من اطـوال الايمان ----- راع الوفا والطــــيب راع الجمـــــــيله
حرً سلايل حـر من ماضي الازمـان ----- من طـــيبه وفــعله يمـــثل قبـــــــيله
من عزوهً وقـت المواقف لهم شان ----- باالرمح والابا الســـــيوف الصــــقيله
اذا احتمت ثم صار في الجـو دخان ----- كلً على ماقيــــل مافــــيه حــــــيله
الاد غالب تروي الســـيف شـــامان ----- عدوهم لابـــــد ياخــــــــذ حصــــــيله
سلم عليه وعطه موضوع من شان ----- موضوعي ابغى نقل بايه وســــــيله
متغربً في الجــيش والحض مازان----- في الشــــرق اعد اليوم باالفين ليله
ابغا الديار اللي لها القــلب شفقان----- ماهي ديار اهـــل النفوس الثــــقيله
ياابو فهد تكــــفى نصــيتك ياذيبان ----- افزع معي والطـــــيب يعرف عــميله
خابرك واصــل بــين الاجواد يافلان ----- لك واسطاتً تفــــعل المـــــستحيله
وصلاه ربي عـــد من تــــم الاركان ----- على نبيً جا في لـــــيله فــــــضيله