قصيدة الشاعر محمد راشد الرقابي بمناسبة زواج الشاب عبدالله رشيد الرقابي
 

مرحبا في حلة الرقبان وافين الخصالي
الفرح عم المقام بكل من جانا هنيّا
بالنيابه عن بني عمي مطانيخ الرجالي
جيت أرحب بالحضور وبدع طاروقي تهيّا
مرحبا تنساق سوق البن في صفر الدلالي
سقتها لضيوفنا الوافين ورجال الحميا
قلتها وانا عريب الساس من عمي وخالي
عزوةٍ تـزها جبيـن الفخـر وتطـول الثريا
من ذوي زايد وجاه الجاه وقروم العيالي
للعدا سيفٍ شطير وللخوي عِدٍ رويّا
الرجال اللي مواقفهم كما شم الجبالي
كل عاني في ذراهم عن لضى وقته تفيّا
منبر الحكمه .. موازين الشرف .. والأعتدالي
هم سنام المرجله والعرف .. طلقين المحيا
لابتي مقدم بروق الخير في دهم الخيالي
والقصيد إليا طرق في مدحهم رحب وحيّا
دون قاصر في جميع أهل المكارم والمعالي
ونعم بكل القبايل والرجال اهل الحميا
والختام الله يجمّل وقفتي بأغلا الليالي
والله اني في لزومي أوفيه ماشحّت يديا

أولا نبارك للشاب عبدالله رشيد الرقابي ونقول له كما قال المصطفى صل الله عليه وسلم

بارك الله لهما وبارك عليهما وجمع بينهما في خير

اخوي محمد

قصيده جزله من راس الجزاله

والنعم بكم يالاد زايد

كفيت ووفيت بهذا النص الفاخر

دمت ودام ابداعك

صح لسانك واعتلا شانك
اخي انت محمد راشد فالح
الي اعرف انك رياضي وماشالله تجيد فن الشعرصح لسانك مددبلا عدد
وننتظر منك المزيد
وتقبل تحيات اخوك الليث