منتدى بني عزيز الرسمي من مطير

يازين يكفي ترى ماعاد لي طـــــــاقه

اقاوم البعـد والهجـــــران والصــــده

وش مكسبك من عذاب القلب واحراقه

وش مكسبك يوم عاشق بيح بســـــده

انكان بعدك غصب والنفس منعاقـــــه

والقلب يرجي المواصل والزمن حده

بصبر وبرقب في بعــــدك لوح براقه

لعـل ربــي يعيـد الأمس ويـــــــرده

والحب اببقـــــــى على عهده وميثاقه

مدمــت باقي معـــي وموثقــــا" عهده

وانكان روحك ليـــــــم الغير منساقة

منوتك قربـــــــــه وطالب بالغـلا يده

الله يهنيك في حبـــــــــــــه وبأشواقه

تهنا بقربه وتسعـــــــــــد دوم في وده

بنساك وانسى الصور واقطع اوراقه

اوراق حبـا" توفى ماحــــــــدا" حده

والي خلقني بشر يمشي علـــى ساقه

من صــــــــــد عني يمين الله لاصده

واقول مالي جمل فيكم ولا ناقــــــــه

واقول مالي نظــر فيكم ولا لــــــــــده

وحبا" يجيب المذله مقرب اسواقـــه

والله ماشريه حبــا" نعنبـو جــــــــده

ندخل مع الباب ماندخل مع الطــاقه

عن درب ذلي احـــد القـــــــلب وارده

بدور الي جمع مع حسنه اخلاقـــــه

يوفي بعهــد الهــوا فاليسر والشــــــده

ما يستمع هرج عاذلنا ولانفــــــــاقه

عن حبنـــــــا باب عــذال الهـوا ســـده

يشتاق قلبي وهي للوصل مشتاقة

ونعيش دنيــا السعادة يدي بيـــــــــده

انكان حصلت بعثت لقربهـــــا باقة

وآلا أبصبر على الهجران والصده