واعيني الي نومها ما هناها=لمن تساوى الليل جاها بلاها
قامت تهل الدمع من جور مابها =.عبايرين حرق خدودي سناها
عبرة رضيعن فاقدن شوفة امه= ولا خلوجن ماخذين ضناها
ولا يتيمن ظالمينه خواله =روحه بيد من لا رحمها ولاها
ولا سجين صكو الباب دونه= حال السقف من دون شوفة سماها
لا قلت انا ياعين يكفي تصبري = يكفي ترا ما صاب نفسي كفاها
لا تسهرين المبتلي يالشقيه= خايف عليها من العما من بكاها
ردت على وحيرتني وقالت=من طاعته عينه ليمن نهاها
وراي الوم العين مالوم قلبي = والقلب سبته سوها مع شقاها
اصبحت انا متحيرن في عذابي= من له ابشكي الحال مما براها
شكيت همي للجبال الرواسي.=لكن ونين القلب كسر صفاها
وشكيت همي للبحور الغزيره =وساعت توحت ونتي نش ماها
وشكيت همي للهبايب وقفت=وعيت تشيل اهموم قلبي معاها
وشكيت همي للصحاري الوسيعه=لكن ونين القلب ضيق فضاها
وشكيت همي للنجوم السواري = لكن ونين القلب غطا ضواها
وشكيت همي لليالي الطويله= والصبح بان وونتي بمبتدها
ورحت اشتكي للشمس من حر مابي=والشمس غابت من خلاها بخلاها
وتخالط الظلام والنور عندي =ماعاد اميز صبحها من مساها
مالي جدا بس اطوح ونيني=. ذي حالة اللي حاجته ما قضاها
من الندم عضيت بسرة يميني = تلعب بي الحسرات ومشي بهواها
اقنب قنيب الذيب واعول عويله = لامن تقفت عبرتن جا سواها
كله سبب من له عيني بالموده= واقفا واخذ روح المعنى خذاها
غربلني المجمول واحرق ضمايري=حط بحشاي اجروح تنزف ادماها
اربع سنين بالدقيقه نعدها= نشرب كدرها ويشرب صفاها
انا عذابه مشتقي به معنى =. واهو بعذابي بين ربعه تباها
انا شريت القرب منه بروحي=وعرضت له روحي وهو ما شراها
انا عطيته كل عطفي وحبي= وطلبت منه كلمتن ما عطاها
يشوف حالي مايهون امصيبتي = يضحك وانا روحي عناها طواها
قلبي عليه وقلب خلي على الصفا = نفسي قوتني وهو نفسه قواها
اشكي من الحرمان وابكي من الجفا=جروح العليل الكايده وش دواها
ترجمت وناتي معني قصيدتي=وارجي عسى يبكي لها من قراها
يقول الي حطم البين ظامره=وعيني الي نومها ماهناها