في فؤادي حطب من شيخ ضيوفه شيوخ=جمرةٍ يغري سنا نارها أكبر موبذان
من جنونٍ دوختني وعيت لا تدوخ=والمجنن زادوا جنانها السابق جنان
ليت شعري أين أمست ملوكٍ من تنوخ =عودت أحداثهم من أحاديث الزمان
يامرقصة الجمل يامقرنسة الفروخ=من طمان نفوسكم نازلينٍ في الطمان
عالمٍ لبسوا ثياب الدهاة وهم دلوخ=أوردتهم حوض فرعون قفزه بهلوان
لا نجوا من فخ طاحوا بآلاف الفخوخ =عشرهم في مجلس العم سام أضحت ثمان
وشرهة الطوخي على من حضر من أهل طوخ =لأنتصب حد السنان إرتخى حبل العنان
في حضور المسخ الأكبر تعشتنا المسوخ .=وأردفونا في ظهر بكرتينٍ من عمان
العوض في قبة البيت الأقصى بيت كوخ=وكل حربة عود زانٍ عوضها عود بان
لا بدا الخافي وباخت علوم القوم بوخ =للمذله في وجه ربها شاهد عيان
صفعةٍ في الخد مع ضربتينٍ في النفوخ =روعت خورشيد باشا وهو فوق الحصان
ماجنه تحمل يداها تسع حبات خوخ =سرها عند آل حسان والبيض الحسان
من كبر شرخٍ معانا تصاغرنا الشروخ =.ندرق في القرع مع كل قرعة صولجان
السلام اللي يفسر لنا معنى الرضوخ =ليس إلا الموت في كفنٍ من طيلسان
والشموخ اللي على ذل لو سمي شموخ =المقابر منه أعظم شرف وأطهر مكان
الكرامه جوخةٍ من نفيس الجوخ جوخ =ما تناسب من قصر به عن الطول الهوان
واعذابي من ينوخ جمال هذيل نوخ=قبل لا يهتز من ساسه الركن اليمان
الطعون طعون ياللي تسميها مشوخ=ولا يحقر ثاره إلا الجبان بن الجبان
ياحفرنا عدنا لين يآتي له نضوخ=يا نادينا في خبر كان ياما كان كان
أمة ما للقيم في ضمايرها رسوخ =.مجدها ماءٌ تبخر على هيئة دخان