|
أكمل البيت
أرجو منكم أخذ الموضوع بعيـن الإعتبـار
هذه ابيات شِـعــر متواضعه لي لها أكثر من عشر سنوات% ولم استطع إكمالها. أرجو من له الإستطاعه أن يكمل كل بيت ولو بثلاثة أبيات. له مني الشكر الجزيل. أخوكم الوايلي 1- يزيد شوقي كل مازدت بجفاك === بعض الجفا واحد من اسباب الاشواق 2- نصيبي وحظي والقدر فيك مجتمعات === بقدره من الله صادفت نفس مسحوره 3- عزى الله انا بالنصايح نصحناه === قمنا بنصحه من جميع النواحي 4- مشينا بدنيانا الوسيعه ولا من فود === ؟؟؟؟؟؟؟؟؟؟؟؟؟؟؟؟؟؟؟؟؟؟؟ |
اخووي الوايلي هذي مجاراه للبيت الاول والباقيات ان شاء الله فالطريق والمعذره على القصور
خل الجفا ياصاحبي لاعدمناك=ترى الجفا له جمرتن تحرق احراق قلبي يبا قربك وعيني تمناك=مشتاق لك بالحيل مشتاق مشتاق ماشفت فوق الارض مثلك وحلياك=متسلط عرش الجمال مع الاخلاق سبحان من ركب بنانك وسواك=الواحد المعبود وهاب الارزاق باابو عيونن سود وحجاج دكاك= وضحكة سنونه كانها نوض براق واللي مصيبه من كذا رسمة شفاك= عن وصفها تجف المحابر والاوراق ياليتني فمبيسم الزين مسواك= ابل به ريقي ليبسن الارياق يعجز لساني عن حكاية مزاياك= مدري تليق الزين او الزين بك لاق بمد لك يمناي وتمد يمناك= نبانسوي عهد وافي وميثاق عهدن علي اني مااخونك ولاانساك=وانته بعد ماانته بللعهد بواق الياطلبت الروح ياروحي فداك= انت الحبيب اللي لك الروح تنساق لاتهمك العذال هذا ولاذاك =اللي مقاصدها التشتت والافراق هذا كلامي واسمعه بعد ماجاك= وارحم محب من سكرة الحب مافاق ان جيتني يامرحبا بك وحياك=هذي مناة القلب من كل الاعماق وان رحت ياصبري على نار فرقاك= لو انها مره طعمها ماينذاق وان مت من سبتك فالله يجزاك= ياكم وكم من الهوى مات عشاق وسلامتكم |
سفير المهد اشهد لله انك ما قصرت كفيت ووفيت
كل فووق الذووق هذي وهي على عجاله اجل وشلون لو تكتبها وانته مرررروق وان مت من سبتك فالله يجازيك == ياكم وكم من الهوى مات عشاق كلام ولا احلى |
سفير المهد اشكرك جزيل الشكر على تكملة البيت فعلا رائعه بروعتك.وانا في انتظار وعدك على التكمله لباقي الابيات. تحياتي
|
سفير المهد اشهد لله انك ما قصرت كفيت ووفيت
كل فووق الذووق هذي وهي على عجاله اجل وشلون لو تكتبها وانته مرررروق يابو حميد خل الناس تكمل الله يهديك |
ترى يا الوايلي ما عاد هي لك القصيدة اغسل رجلك ويدك منها انت لك اثلاثه بيوت الاول والباقي لسفير
ههههههههههههههههههههههههههه |
يستاهل سفــــــــــــــير الهمد
|
ابداع ياسفير المهد وابداع يالوائلي
مأنتظر هالبيت اكثر من عشر سنين الا عشان يكمله سفير المهد تقبلوا تحياتي |
ياخواني لايكثر هرجكم سفير المهد ابن عمي وانا من اول ماقريت ابياته الشعريه سميته ( جنيه الذهب) ونتهى الكلام كشفنا ابداعه من بدري صقر من جبال ولايت مهد الذهب سندنا ضد كل الولايات بيض اللة وجهك يابو سعدي هذا الابداع ولابلاش سجل اعجابي وتقبل مروري.اخوك حامد رضا |
ماشاء الله عليييك ابيات روووعه يالوايلي...
وبصراااحه ماقصر سسسسفير ابدع فالبيت الاووول وانا بستلم البيت الاخير اللي يقول عز الله انا ... عشان بدايته زي اسمي خخخخخخخخخ
عز الله انا بالنصايح نصحناه = قمنا بنصحه من جميع النواحي يهز راسه مثل راس الخونداه = وان قلت له وشفيك؟ قال انت صاحي؟ ودك تصكه بقص مع عمر علباه = خخخخخخخخخخ مغير امزح امزح |
| الساعة الآن 03:45 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "