ياللي سألت وقلت قلي من أغليت=مغلي أثنينه وأسكنوا وسط عيني
أبوي وأمي في غلاهم تماديت=لي حقن أفخر في غلا والديني
أبوي لي قدوه وأنا به تعزويت=لولاه ماشلت الفخر في يديني
وأمي هي القبلة وهي شمعة البيت=ياما لفرحي اتحملت كل شيني
ما قصروا جابوا لي اللي تمنيت=ولو اقدروا حطواالقمر في يميني
والله لوأبذل حياتي فلا أوفيت=ربع الجميل اللي كسوا به سنيني
والثالث اللي كل ماضاق فزيت=هذاك أخوي وفي حياتي عويني
والرابع أنته عقبهم بالغلا جيت=ياللي أبيك وداري أنك تبيني
أدري حبيبي لـ اللقا كم تحريت=وأدري بشوقك كل ماتحتريني
بس الوفاء يفرض عليه إذا أوفيت=اني أحطك بعدهم ياظنيني