منتدى بني عزيز الرسمي من مطير - ألف مبروووك لشـاعـر مطـيـر محمد المطيري فوزه في مسابقة ......

السلام عليكم ورحمة الله وبركاته

مساء الخير أخوتي

يسر منتديات و قبيلة بني عزيز كااافة وكل من ينتسب لمنتدانا سواء من بني عزيز أو من غيرهم أن

يهنئوا الشاعر / محمد بن منـور الـمـطيـري

فقد انتهت مسابقة شاعر الجبيل الخيرية والجميله والرائعـــــه يوم الجمعـــه الماضي

وقد تنافس عدد من الشعراء .. ومن ابرزهم شاعرنا ( محمد منور المطيري )

وقد كان التنافس شديد في هذه المسابقة المميزه ..

ففي ختام المسابقة ...كان من شروطها أنه على كل شاعر أن يأتي بقصيدة لاتزيد عن عشرين بيت

ولا تقل عن عشرة ابيات في مدح الرسول صلى الله عليه وسلم وبعد ذلك سيتم طرح بيت شعري

ويجب على كل شاعر ان يجاريه في القافية والوزن في مهلة لاتتجاوز عشر دقائق.

[img]http://www.3yon-sahara.com/uploads/26f1f0b92a.jpg[/img]
الشاعر محمد بن منور المطيري

سرى فكري مع الهاجس سرى يوم العباد هجوع = سـرى ومحمـد الهـادي تبارينـي تعاليـمـه
اخذنا منـه للعتمـه وشـدة هالظـلام شمـوع = تخطفنا يديـن النـاس وعقبـه جالنـا قيمـه
ورثنا هيبـة الحاكـم ورثنـا ثوبـه المرقـوع = ورثنا رحمة تضفـي علـى انسـان وابهيمـه
تحن لكفه الطاهر من الشـوق العظيـم جـذوع = تحن وتشكي الناقه له مـن الراعـي وضيمـه
سمعتو عن ملك يرقع بنفسه ثوبـه المقطـوع = سمعتوا عن ملك وزع علـى العالـم مغانيمـه
عطى يعطي عطى من لايخاف من الفقروالجوع = يمينه لا عطت اصـدق مـن الهتـان والديمـه
عني لا والله التمره وماهـا حسوتـه لاسبـوع = شهر ماتطبـخ اللقمـه لـه ولا والله اتضيمـه
تزيل جبال يمكن لكن الصعبـه تزيـل اطبـوع = وزاد الروح بـدل مـن طباعـه دون بالشيمـه
نبي الله ياغيـث حيـث بـه فالقلـوب زروع = تـداوم فـي محبتهـا علـى ركعـه وتسليمـه
قطفنا من ثمار الخير والعز الف نـوع ونـوع = يازاد الروح وانت الروح في بستانـك مقيمـه
الا يا الله مـن كوثـر نبيـك طالبـك قرطـوع = ومن جنة عدن طالبك انـا الفـردوس ونعيمـه
الا يا الي تبي تطفي شعاع الشمس يالمخـدوع = تر للخيـر تقديمـه ولعكـس الخيـر تقديمـه
قبل تنقد علـى بابـي تفقـد بابـك المخلـوع = انا اشهد نبحك الدايـم ماجفـل فالسمـا غيمـه

[img]http://www.3yon-sahara.com/uploads/2336acd51f.jpg[/img]

في نهاية البرنامج أعلنت اللجنة الفائز بجائزة المسابقة (قطعة أرض)

وهو الشاعر محمد بن منور اليابسي المطيري نبارك له هذا الفوز

ونقوله تستاهل يابو منور وعقبال ماتعمّر الأرض والله يبارك لك فيها.

[img]http://www.3yon-sahara.com/uploads/a854837a5c.jpg[/img]

ومرة أخرى نبارك لقبيلة مطير كااافة وللأخ محمد منور فالف الف مبرووووووووك وتستاهل

وبيض الله وجهك

كـُـونــوا بــخيــر أخــوتــي

الــفـــارس أبو عبدالعـزيـز