منتدى بني عزيز الرسمي من مطير - أي أفتخر لا قلت واحد من مطير

أي افتخـر بالمعجـزات المعاسيـر=اي افتخـر بأمجادهـا اللـي بنتهـا
أي افتخر لا قلت واحد مـن مطيـر=قبيلـة (ن) حتـى الـدول حاربتهـا
يوم الملاقا ويـوم ذيـك الطوابيـر=ويوم الأصايل عجعجـت بأغبرتهـا
ويوم إن في الميدان صيـاح ومغيـر=ظني تعـرف النـاس وش منزلتهـا
لا صار لي فعل (ن) يشرف وفيه خير=وش يمنع أنـي أفتخـر بأحسنتهـا
وش يمنع اكشف عن هذيك الأساطير=وأفتـح ملفـات الليالـي طوتـهـا
وأعلـم العـاذل يعلـم بنـا الغيـر=وأحرق به اللي جاهل (ن) مرتبتهـا
وأرفـع بكفـي وأستهـل التقاريـر=وخـل العـواذل تحتـرق بألسنتهـا
حمر النواظـر والمعالـي مشاويـر=تدحم حياظ المـوت مـا زعزعتهـا
كم لحية (ن) صالت وراحت مخاسير=وكم من شـوارب فتلـت وأنتفتهـا
حنا سطرنا صفحه المجـد تسطيـر=وبصماتنا سـود الليالـي أشهدتهـا
وحنـا فعلنـا المعجـزات المباهيـر=ويـوم النشامـا طيبهـا بأذرعتهـا
أقولهـا مـا قلـت بالغيـر تقصيـر=كل (ن) وفعلـه سيئـه وأحسنتهـا
هذي حقيقـه حـق مافيـه تزويـر=والله حسيبـي لـو ظلمنـا بختهـا
أي أفتخر باللي بهـا يشبـع الطيـر=غصب (ن) على الحساد واللي غوتها
أي أفتخر لا قلت واحد مـن مطيـر=قبيلـة (ن) حتـى الـدول حاربتهـا