سلام ياللـي ذكركـم يرفـع الـراس=من السيف للحره ليا أقصـى اللهابـه
في ظل شيخٍ محتمي حمـر الأطعـاس=ذيـبٍ ولـد ذيـب وسلاسـل ذيابـه
شيخ الشيوخ الله لـه العـز نبـراس=شيـخٍ عزيـز ولابتـه عـز لابــه
معطيهم الله عـزم مـع قـوة البـاس=تقـول مخلوقيـن لاجـل الحـرابـه
الرجل نـادر والصبـي تقـل قرنـاس=وليـا أعتـزى بمطيـر كـلٍ يهابـه
على العدو أحـد مـن حـد الأمـواس=وألين مـن العـود الخضـر للقرابـه
والله يالـول الجفـن لدمـع حـبـاس=لطروا وأنـا مبعـد لأهـل السحابـه
أمدح مطير ولاقصدت اجـرح النـاس=متعـود أفخـر لاشـعـرت بكـآبـه
أفخـر بهـم وأعتـز وزداد نومـاس=ويفخر بعد شعـري وحـرف الكتابـه
ويسوق غصب بذكر لباسـة الطـاس=وأسخـره ويطـيـع ثــم أحـدابـه
ولأقول طاريكم يفيض ابه الأحسـاس=طاريكـم أنـا أمـوت بـه وأحيابـه
ومن دونكم لو صبوا الموت في كـاس=أنا أشهد ان اكبر فخـر لـي شرابـه
أحـب حمـران النواظـر بلاقـيـاس=ومن لامني ملعـون أبـو جـد جابـه
ويحـده اللـي حـد سالـم وجسـاس=ويصيـر دمـه لابـن عمـه طلابـه
وحيد ماله فـوق هـالأرض عسـاس=كسيـر تنبـح فـوق راسـه كـلابـه
مطير كائـن حـي معـدوم الأجنـاس=لـه ماضـيٍ جـاوز حـدود الغرابـه
وله حاضرٍ يضرب بك أخماس وأسداس=ويثبت لك ان الخلـق أبـد ماتشابـه
العز قصر لـه مشيـد علـى سـاس=وأربع حروفه تعنـي (ليـوث غابـه)
وختامها وساميـن مـن در وألمـاس=تمنـح فقـك للـي عزيـز جنـابـه
من قال لاجل مطيـر يالمـال تنـداس=ولعيون وضحى مطير سخـر حسابـه
سبعة ليـالٍ سولفـوا فيهـن النـاس=علـم ينومـس كـل حـرٍ حكـابـه
فعـل لفـواز وحسـن يرفـع الـراس=من السيف للحره ليا أقصـى اللهابـه