ماعاد يصلح لي على السيف مقعـاد = ريــح البحــر شينــه معـــاد أحتملــــها
لـو أنهــا دار الكــريمين الأجـــــواد = آل الصبــاح أمــزبـنة من زبـنــهــــــا
لا شـك لي رغبـة ولي فــوق مسناد = أرضــا علــى كبــدي لــذيـــذاً ثملهـــا
ولي لابتن تسكـن شفـاء نجد من غاد = منزالـهم حــد الجبـــل مـــن سـهلهـــا
تلقــى مجــالسهـم بهـــا بـــن وقـتـاد = ذي دلــــتاً صبــت وذي جــــا بدلــهــا
وســوالف تطــرب لهــا النفـس تنقاد = رمــل الحمــول اللي بعيـــــداً زعلهـا
لن قيــل لك منهم ولـن جــاك نشـــاد = أنبـــه وقلــه بالســــــــوالف وأهلهـــا
قلــه لهم عزوه على رووس الأشهاد = مثــل الثـرياء فــوق مــحــداً جهلهــا
عــزيــز عزوتهـم ليا أحتد وزتـــــاد = شر العيــن ونــار حــربــه شعلــهــا
يطفــونهــا بمصقــل الهنــد وزتـــاد = صــولاتهم صعبــه محــد يحتملهـــــا
بنــي عــزيز مطــوعة راس من زاد = وزوداتهم تشكــي عـــداهــــم ثقلهـــا
قصيـرهم لـو هو من أعجـام الاكـراد = تدمـــــح لــه الزلــه ويــرفاء خملهــا
ولـن جــابوا الاسفــار جلابت الــزاد = قسم القصيــر أيجيبــه لو من بصلهــا
قــولة هـلا بـــالضيف قــدام الأقعــاد = أول اقراهــم لــه هــلا هـــــم اهلهــا
ويتبــع لهــا مــن طيب الزاد مافـــاد = كبشــاً بصيتـاً تشــــال أبحلــــــقهـــا
وحب الوطن لو رحت بالقلــب يـزتاد = مثل الخـــلـوج اتحــــن تبغــا بعلهــا
القـــوت فيهــا شبعتــــاً لـــــي يجــاد = يـــا حــي نجـــــد وحي حيــاً نــزلها
منهـا نشا دمــــي وشــانــــي بها زاد = وش لــون أنــا أرضا يالمطيري بدلها
دولــه هل العوجا الكريمين الأمجــاد = هم عــزنا ستــر الوطــن هي وأهلهــا
من عقب ما كانت شحيحاً بها والـزاد = وقفراً صحــــاريهــــا عسيــراً جبلهــا
اليــوم فيهــا الخيــر يـا مهجتــي زاد = وطــرقــا تعمــر كــــل ديره تصلهـــا
في طــاعة اللــه قادوا الشعب ونقـاد = مسيــرة التــوحيــد دار واعـــــجلهـــا
وصـــلات ربــي عد ماهــل رعــاد = علــى محمــد عــدما ثمـــر سبلهــــــا