غنّ ياتركي يافنان لحنك غنّ غـنّ=ان بغيت تروح للشام ولا لليمـن
اركب الجسر المعلق على وادي لبن=تجبر الدنيا بنادم يحصله صحيـب
عسا ليلكم مبروك ياجواد=ترا اللي حصل فيه الكفايه
حصانك ياعنتر يابن شداد=يوصل حياتـك للنهايـه

من يحسب حساب وقته ونفسه ماهلك=والسنين تدور ويدور بالناس الفلـك
والعصيمي كل ليله على جسر الملـك=تجبر الدنيا بنـادم يحصلـه صحيـب
لنا ياطويل العمر ميعـاد=على الهون والايام جايـه
ترا اللي يعرف الملح والزاد=عن اللي حصل ماهو بتايه

لاتعقب علوم بعلوم والبادي بـدا=والدروب اللي نبيها على وضح النقا
والعباد معرضه للسعـاده والشقـى=تجبر الدنيا بنادم يحصلـه صحيـب
نحسب السنه هجري وميلاد=وتركي تحت فيّـه عصايـه
نباها بدون خطـام تنقـاد=بدا وجه رابع فـي المرايـه

الله اللي يعلم الغيب في كل الامور=والوفا والطيب بين القبايل مايبور
يالعصيمي صاحبي لاتلف ولاتدور=تجبر الدنيا بنادم يحصله صحيـب
ليا كان جمر النار وقّاد=يصير العصيمي في ذرايه