|
أنا وضيفي المدخـن ..((نـقـاش))..
السلام عليكم و رحمة الله و بركاته كيفكم شحالكم عساكم طيبين دعونا اليوم نتحدث عن ظاهرة موجودة في مجتمعنا بصراحة أنا انسان طول عمري أكره الدخان وما أطيقه واكره ريحته ولا يمكن أجلس في مكان مكتوم مع رجل مدخن و كل ربعي وجماعتي و أصحابي عارفين هالشيء ليس لأني مطوع ....... لا والله ماني مطوع ولا شيخ ولكني ما دخل مزاجي الدخان خير شر المهم .. مجلسي دائماً اطيبه و أبخره بأطيب انواع العود كما أنه يزورني أحياناً أناس كبار شخصيات ودكاترة بحكم ارتباطي بهم في العمل و أحب أن يبقى مجلسي دايم متبخر ومتطيب المهم قبل أيام اتصل علي أحد زملائي و قال لي زين القهوة ترى بجيك اتقهوى عندك قلت حيااااااااك الله قمنا وطيبنا المجلس بالعود والبخور بعد شوي جاء الرجال جلس يتقهوى و فجأة ولـّع سيجارته في منزلي و هو يعرف اني لا أدخن ولا أجلس في مجلس مكتوم فيه شخص يدخن لأن الدخان يضايقني ويكتمني المهم انا استحيت اقول له طفي سيجارتك لأنه ضيف وفي بيتي بس هو عارف اني ما ادخن ولا احب الدخان ويشم ريحة العود في البيت كله و مع هذا يدخن ويقول عطني طفاية يا ولد جبت له صحن صغير من زجاج قال هذا مو طفاية قلت وش اسوي ما عندي طفاية يعني مثل اللي يقول ترى ما احد دخن في بيتي قبلك لا وبعد قمت فتحت الشبابيك عشان يروح الدخان وما ننكتم وعشان يحس على دمه ويطفيها ولكن لا حياة لمن تنادي المهم يوم سرى قررت اني اجيب لي لوحة واكتب فيها اذا كنت تحترمني فلا تدخن في منزلي و اعلقها في المجلس و أكيد اللي بيستحي مو مدخن أبد بس وش رأيكم تؤيدوني وإلا لا ؟ دعونا نتناقش حول : إذا كنت لا تدخن (مثلي تماماً أكره التدخين وريحته) فيأتيك ضيف و تكون مطيب مجلسك لاستقبال الضيف وحين يجلس عندك يشرب فنجان قهوة ثم يخرج البكت من جيبه يبي يدخن في هالحالة هل تطلب منه الامتناع عن التدخين أم تتركه على راحته لأنه ضيفك ؟ ما رأيك بما فعله هذا الصديق في منزلي ؟ برأيك كيف من الممكن أن نتخلص من هذا السلوك ؟ سؤال للمدخنين : هل تجرؤ و أنت مدخن أن تفعل ما فعله صاحبنا ؟ والآن اضع قلمي جانباً لأستمتع بما تقدمون و مشكووووووووورين مقدماً يعطيكم العافية ((بقلم\ الفارس)) كــُونوا بخير أخوتي أخوكم الـفـارس |
هلا الفارس
احرجت المدخنين بصراحة ما عاد يزورك ولا مدخن طرح ممتاز وعلى فكرة كنت ناوي امرك بس الحين !!!!!!!!!! مشكوووووووووور على الموضوع الهادف |
اقتباس:
هلا بك والله يالغالي أبن حافل وحياك الله بأي وقت بس خلي البكت في السيارة لا تنزله معاك خخخخخخخخخخخخخخخخخ لا يا أخوي ما فيها احراج ولا شيء ترى أكثر من يزورني المدخنين ولكنهم محترمين لا يدخنون في بيتي والكثير من المدخنين محترمين وخلوقين ويعرفون الحق والواجب بارك الله فيك أخوي ابن حافل وبانتظار باقي الأخوان لنستفيد ونستمتع بما يكتبون يعطيك العافية أخوي ابن حافل على الحضور المشرف مشكووووووووووور كــُن بخير أخي أخوك الفارس أبو عبدالعزيز |
اخوي العزيز ابو عبد العزيز
موضوع مهم ويعاني منه الكثير التدخين بلوى يبتلى بها المدخن ولكن ليس من المبدى ان تبتلي غيرك بما ابتليت به هذا ضيف ثقيل طينه وقليل حيا (والحياء كما عرفه العلماء: هو خلق يبعث على ترك القبيح ويمنع من التقصير في حق من الحقوق، فالحياء خلق فاضل يدعوك إلى التحلي بالفضائل والبعد عن الرذائل، والحياء يدعوك أن تخجل في نفسك، وتستحي من ربك، ثم تستحي من الناس) فمثل هذا اوقفه عند حده وقول التدخين ممنوع لوسمحت اما اللوحه لاداعي لتعليقها في مجلسك |
اقتباس:
اقتباس:
ومادام هو ضيف الله يعين المعزب . وأشكرك أخوي الفارس تحياتي أبن صـعـيـر |
الحقيقة موضوع رائع
اشكرك ابو عبدالعزيز على طرحه هذا الشخص ما يستحي على دمه وتصرفه يدل على همجيه وبعد انا اشوف عندنا ربعنا المدخنين فيهم ناس قمة في الأخلاق اليا سير عليك ووده يدخن تلقاه طلع برا البيت ودخن ورجع لكن إن ولع السجارة عندي داخل البيت بقوله لا تدخن ودور لك عذر مقبول مثل عندي حساسية وغيره من الاعذار الكثيرة ولو كنت مدخن ما ولعت السجارة في بيت المعزب |
اقتباس:
هلا بك والله يالغالي أبو فيصل صدقت أخي فيما ذكرت والحياء ماكان في شيء الا زانه والكثير من المدخنين محترمين وخلوقين ويعرفون الحق والواجب بارك الله فيك أخوي وبانتظار باقي الأخوان لنستفيد ونستمتع بما يكتبون يعطيك العافية أخوي على الحضور المشرف مشكووووووووووور كــُن بخير أخي أخوك الفارس أبو عبدالعزيز |
اقتباس:
هلا بك والله يالغالي أبن صعير لم افهم معنى كلامك في البداية هل تقصد باني لست متضايق سبحان الله وان كنت لم اتضايق منه فلماذا اكتب لكم هالموضوع أخي ليس كل مايضايقنا نستطيع رده بكل سهولة اي والله الله يعين المعزب اذا الضيف مثل ضيفي هذا ولكن لا اعتقد انه حين امنعه من التدخين في بيتي اعتبر اسأت له ولكني في نفس الوقت لا استطيع ان اطلب منه هذا الطلب فكما قلت هو ضيفي والله يعين المعزب على الضيف في الحقيقة الكثير من المدخنين محترمين وخلوقين ويعرفون الحق والواجب بارك الله فيك أخوي وبانتظار باقي الأخوان لنستفيد ونستمتع بما يكتبون يعطيك العافية أخوي على الحضور المشرف مشكووووووووووور كــُن بخير أخي أخوك الفارس أبو عبدالعزيز |
اقتباس:
صدقت أخي فيما ذكرت والحياء ماكان في شيء الا زانه نعم أخي هذا المفروض ولكن للأسف أن ما يحدث من بعض المدخنين الله يهديهم هو العكس والكثير من المدخنين محترمين وخلوقين ويعرفون الحق والواجب بارك الله فيك أخوي وبانتظار باقي الأخوان لنستفيد ونستمتع بما يكتبون يعطيك العافية أخوي على الحضور المشرف مشكووووووووووور كــُن بخير أخي أخوك الفارس أبو عبدالعزيز |
لنكن واقعييين ونتكلم بالمنطق والعقل الجميع يعرف اضرار التدخين وانا ابي اتكلم وانا لست مدخنا ولاحب التدخين لكن بصراحة لو جاني ضيف في البيت ابي اجيب لة طفاية ويدخن لانة صعبة كل شوي يطلع برا البيت وراجع خاصة اذا كان كبير في السن وحتى لو شباب
لكن انا اعرف واحد ملتزم وحط لوحة اذا كنت تحترمني لاتدخن واللي يجونة في مجلسة مايدخنون عندة في البيت لانه وصل رسالة للي عندة حياء وكرامة شكرا على الموضووووع المميز |
| الساعة الآن 08:32 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "