يالفراهيدي خليل أحمد تـرى ماهـي غريبـه=أحتزمنا في خيـال الفكـر وحـروف وكتابـه
الهقاوي مبعده وأمشي على عـز(ن) وهيبـه=والعمر رحله بدرب الغيـب ياسايـق ركابـه
المهابه ماتنحت غير عن رجـل(ن) نصيبـه=يبعده مع قدرته عن وقفـت رجـال المهابـه
ياعميلي لا تغرك كلمـة(ن) ماهـي مصيبـه=المصيبه من حرثهـا وأبتلـى وزود صوابـه
الكلام أن زاد يظلـم دون شـك ودون ريبـه=كان ماجاتك بسيٌـه.. دون وزن ودون ثابـه
قول له: ((ينظر بعيد ويحسب حساب القريبه))=((والسلامه طيبه.. يامسرج خيول الحرابـه))
المراجل ياكثيـر الهـرج ماجـات بغصيبـه=كم واحد كان هقوتنا وخيًب مـن هقـى بـه
ياعرب حنا عرب نسمـع سواليـف" مريبـه=ماورى ذنب الصبر غير المسايـر وأرتكابـه
يأهل العد المسمـى ناضبـن حتـى سريبـه=أفتشوها وأبعدوهـا عـن مقصـات الرقابـه
صابرين* وصبرنا في ظرفنـا هـذا غليبـه=غاليه دمعة شريفه والعـرب تشكـي صبابـه
صح بعض الفكر هـم و وقتنـا دايـم نعيبـه=والخطأ حنا وكم من غاوي" غيًه غـدى بـه
عزة الذيب بثمـان البطـش والعـز وقنيبـه=والدهى والرجـم والتبجيـل والفكـره ونابـه
الزمان اللي يغر النـاس وظـروف" عصيبـه=ماثنت عزمك وفكرك يتعب عـزوم العصابـه
عشت ياوحش الخلا لوالزمان أنشـق جيبـه=ماغدرت بصاحبك يومـه زهمـك ورد جابـه
عامر اللي ماغدربـك فـي لياليـك العصيبـه=وافي" لك مايغير مذهب" لأجلـك مشـى بـه
القدر لوهو ضحك لك لـك مواعيـد بلهيبـه=وهاجسي غنى على طرق العروبـه والرتابـه
الكـلام اللـي يوفـيٌ يالفراهيـدي.. أجيبـه=يالخليل أحمد تراها فكر.. وجـروح.. وكتابـه

ــــــــــــــــــــــــــــــــــــــــــــــــــ ــــــــــــــــــــــــــــ
صابرين: هي الفتاه العربيه المسلمه صابرين الجنابي التي كانت أحدى ضحايا الحرب الصليبيه على العراق( أغتصبت من قبل جنود الاحتلال)

محمــد العـــزيزي