يالله من علما ً على النفس وسواس= عقب على نفسي هموم وحساسه
ويالله من درب به الرجل تنداس = يهفي بها نحو الشقا التعاسه
ويالله من صحبة خبيتاً وهلاس = ضعيف نفس وكل فعله دناسه
ويالله من موقف يذلك مع الناس = وردات فعله ضيق ماهي وناسه
ويالله من فعلاً وربحك به أفلاس = ضيع على نفسك طموح وحماسه
ويالله من حض ردياُ ومنحاس = حضاً على درب التعس والنحاسه
ويالله يالمعبود يا محص الانفاس = ياوحداً تعبده جنه وناسه
عطفك من الحقران والذل والياس = ورحمتك من فعل الشقاء والشراسه
أسلي الخاطر يلو فيه هوجاس = قلبي تقسم بين هم وناسه
ولزان صفو الجو ويهب نسناس = أدور المرقاب وأرقا براسه
يزنلي منا القصايد بمقياس = ونزهتها من كل عيب ودناسه
كتبت شعراً جوهره جوهر الماس = جزل المعاني دارساً به دراسه
والشعر لي ميراث ساس على ساس = ساس الجدود أهل الفخر والرياسه
ربعاً لجات اللزمه ترفع الراس = يعز منهو ذيك الايام ناسه
الكل منهم في المواقيف قرناس = ياطا على كبد المعادي وداسه