في خاطري هاجس قديما وبه تو=تارد كما ورد الظوامي لماها
تسابقا قلبي كماصادق النو = ترعد وتبرق مستخيل(ن) سماها
ويفوح منها القلب كنه على ضو = فوح الدلال اللي قويًا سناها
مافاد فاللي فات ياليت يالو = وسنيننا معاد ترجع وراها
أحداث ماهو خط يكتب ويمحو= انكان ماجازت كتابه محاها
هذي دواليب الدهر يوم تبدو = والله عليم بوجهها من قفاها
وحنا سوات اللي على الموج يطفو= يمشي بوجهه خاطره مابغاها
هذا الدهر والعبد ياناس و"شهو" =مخلوق في دنياً تدور برحاها
ويالله يارازق طيورٍ مع الجو= صالت وجالت لين لقيت عشاها
بحماك يامعبود يادافع السو= يادافع الاسباب تدفع بلاها
ومتى على الله عندنا يصفي الجو= ونحقق احلاماً قديمًا بناها

المشاركة الأصلية كتبت بواسطة الوايلي (المشاركة 32683) اخوي الشمــــــالي صـــــــــح لسانـــــك إذا هذي القصيده قديمه أنا في إنتظار قديمك وجديدك أيضاً تقبل تحيتي

المشاركة الأصلية كتبت بواسطة بيرق مطير (المشاركة 32687) يعطيك العافيه صح لسانك قصيده جزله من شاعر جزل مافاد فاللي فـات ياليـت يالـو وسنيننـا معـاد ترجـع وراهـا تقبل سلامي

المشاركة الأصلية كتبت بواسطة حفيد عامر خوي الذيب (المشاركة 32689) الشمالي ياأخي هاذي ماهي قصيدة هذه موعظة وحكمة بحد ذاتها دمت هكذا تحياتي

المشاركة الأصلية كتبت بواسطة المهندس (المشاركة 32690) أخي ( الشمالي ) قصيدة رائعة وفيها من المعاني الجزلة والقيم الطيبة والتوصيف والصور الجميلة صح لسانك وسلم بنانك وإن كان لي ملاحظة على البيت الأول في صدره قلت في خاطري ( هاجس ) قديما وبه تو ( التنوين بالمد ( أ) ليس له داعي ) وكذلك التنوين في أخر بيت ( أحلاماً) كذلك ماله داعي وأعتقد أنها أخطاء مطبعية فإنتبه منها لأنها تضيع جمال القصيدة ولو تصححها يكون أفضل بكل المقاييس القصيدة جميلة إلى الأمام وتفبل أجمل التحايا من أخوك المهندس