|
يادلتي
يادلتي ياللي على الجمر أسويك=بقفرٍ خلا مد النظر فيه يحلو من عقب ماهو للظما والتهاليك=ربي سقاه السيل من صادق النو حتى طغى عشبه على الجال يغريك=يغريك شوف العشب ومغيّم الجو يادلتي أطرب يوم أني أراكيك=على الجمر والبن محموس من تو ريحه يزيح صداع منهو مهاويك=اللي صداعه منك ماجاب له سو وتبهيرتك بالقيس من غير تشكيك=الزعفران وريحة الهيل تشدو وليا طبختي زين أزلك وأصفيك=وأصب فنجالي على الليت واللو وأحسب مشاريعي وأفك الشبابيك=لأحلام صدري لين بالجو تعلو وليا فضيتي وجاب بطنك لتاليك=أرجع أحلامي سجينة عن الضو وأقوم أغسلك زين من عقب أفضيك=قبل مغيب الشمس والليل يدنو وأردك لصندوق عزبة يغطيك=وأعوّدورجلي على الدرب تخطو يادلتي ماني بشعري محليك=لاشك فيك يعوّد الشعر يحلو |
حفيد عامر ( خوي الذيب )
و تبهيرتك بالقيس من غير تشكيك =الزعفران وريحة الهيل تشدو
الله عليك وريح عبق أبياتكزعفران القصيد الذي أتحفتنا به رائع من جد وأنت تعرف اخوك لا يجامل بكل المقاييس هذه قصيدة رائعة صح السانك وسلم بنانك ايه الرائع تحيات أخوك |
اقتباس:
[color=# 0000FF]يادلتي اطرب يوم اني اراكيك=على الجمر والبن محموس من تو lor]ريحه يزيح صداع منهو مهاويك=اللي صداعه منك ماجاب له سو صح لسانك تركي على هالرائعه وسلمت انت ودلتك يالغالي [/co |
يعطيك العافيه
صح لسانك وتسلم ايدك تقبل سلامي |
المهندس
صح بدنك وتشرفت قصيدتي بك كأول شخص قرأها وشكرا على الأطراء الجميل لك مني كل التقدير |
أخوي حامد
الله لايهينك والله الدله ماتحلا ألا بجمعة مثلك وشرواك وأسعدني مرورك لك مني كل الود |
بيرق مطير
حياك شرفتني بأطرئك الجميل من بعد غياب الله يسلمك ولاعدمتك |
تركي
صح لسانك ويعطيك العافيه |
تركي
كعادتك مبدع صح السانك تحياتي |
بيض الله وجهك
أخوي تركي العزيزي قصيدة جزلة |
| الساعة الآن 08:43 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "