يا صاحبي معلوم كل الغـلا لـك=
=وإن طالت الأيام مانيب ناسيـك
والله فلا أحدٍ بالمودة صفـا لـك=
=مثلي ولاظنيت غيري يصافيـك
إن كان غرك يا عشيري جما لك=
=الله يزيـدك ياحياتـي ويعطيـك
وإن كان غرك واحدٍ قد حكى لك=
=تراك لاقفيت صار الحكي فيـك
ما هو يحبك طامعٍ في حلا لـك=
=وأكبر عدو من بلّغك هرجةٍ فيـك
ليتك تواصل من طمع في وصالك=
=يسهر طوال الليل باسمك يناديـك
وإن كان هجري يا حياتي طرالك=
=ياللي مالكت القلب لله أباشكيـك