عديت ضلعٍ في ذرى كشب نايف = عديت فيه اسبر مواكــر صقوره
وحولت من روس المراقيب عايف =حيث ان دمع العين فاحت قدوره
وا لح قلبي لح هجــنٍ نحايف =هجنٍ عطوا درب المخافة نحوره
مع ديرة الاجناب منكف و خايف = يبا الحجاز منكفٍ من شـروره
وردن لهم عدٍ بعيـدٍ ندايف =عدٍ على جوه تحاوم طيوره
وليا دليلتهن بالعين شايـف =ركبٍ مع الجره يقدم سّبُوره
شيف الطلب بأوساق ركبٍ خفايف =وتشاوروا والمرتهب ضاع شوره
وهجوا على مثل النعام الولايف= حادي القوايم واركبوهن حروره
يطرد وراهن صيفة العبد سايف = قاسا المهامز يوم عبت عصوره
يلوف هنه من وراهــن لايف = وما قدمهنه من العدود مخبوره
تاطا سماريهن روس الحتايـف = بالقيض والمرزم حراوي ظهوره
عليك ياراع الثـمـان الرهايف = يلي عليك القلب يبست سيوره
يلي عليك من الادامي وصايـف = ليا شاف له ريغه وبرّز صدوره
قلبي كما طي القليب المهايف = ادنات ما جابه وكدر شعـوره
وليا تذكر وصف راع الردايف = كثرت طواعينه وزادت فجوره
واكثر حراه من الركايب نكايف = عن مرقمٍ حطت علينا زهوره
ما نلحق المال المولي حسايف =الله يبور اللي عميله يبــوره

اخوي ابو نواف
بارك الله فيك وسلمت يمنك ودمت علما شامخا
ورحم الله العلم سايف بن صعير
والشهادات لسايف من خارج القبيلة كثيرة وأمل إدراجها في هذا المنتدى

وقيل ان له سالفة مع شخص أخر لا يحضرني من القصة إلا انه وصل إلا الرجل هو يكلم ناقته وكان خائف من سايف وربعه
وما علم إلا وسايف يضربه بالسلاح علي متنه ويقول له سقها بس سقها يعني ناقته التي يكلمها
وقيلت قصيده في هذا الموقف و السالفة طويلة ولكن لا تحضرني

كل الشكر لك اخوي الغالي
ابو نواف

وفي انتظار باقي القصص والقصيد

أخي الشخصية المهمة ( المهندس )
أمل التوضيح اكثر عن مرزوق جد العبيد وما هو اسمة قبل ان يتسمى بهذا الاسم وماهو مصدرك في المعلومه لانها تمس الانساب ولماذا ذكرت بن صعير بعد مرزوق عبد الصعران هل هو من الصعران ويعد عدهم حتي بن صعير ام لا ؟

وسايف بن رشيد كلنا نفتخر به وبأفعاله والعبيد هم أخوان للصعران من قديم ولكن يجب عدم خلط الانساب في بعض .

أمل الدقة في الرد وتوضيح الكامل وذكر المصدر لاستفادة منه ومناقشتة .

وتقبل تحياتى
شكسبير العزيزي