ياخالق الدنيا ويامشـرع الديـن =
=يالله يالمعبـود يـاذا الجـلالـه
يالله ياسامـع دعـاة المساكيـن =
=وياناصر المظلـوم ممـا جرالـه
مابي مرض ولا همني كثرة الدين=
=ولا همني من هو يفاخـر بمالـه
مدام انا يارب ضمـن المصليـن =
=وامشي بنية صدق ماهي حيالـه
طاعتك ياربي على العسر واللين=
=يالله ساعدنـي وزدهـا كمـالـه
اللي حصلـي حاصلـن للنبييـن =
=اكثر ولكن ويـن حالـي وحالـه
كلام ظلماً مثل طعـن السكاكيـن =
=لكـن ياربـي تعـجـل زوالــه
الناس تضحك وسط ورد وبساتين =
=وانا علـي الظلـم دارت حبالـه
اسج عنهم بس مدري على وين =
=استغفـر الله مابقلبـي ظـلالـه
انا علي ذنوب من عـدة سنيـن =
=والذنب يضعفني ولا اقوى احتماله
ابطلـب اللـي مايـرد المزابيـن =
=اللي ليا ضاقـت عليـك تعنالـه
اسالك بسمك ياللهي من الحيـن=
=انك تزيـل الظلـم عنـي ازالـه
بكره عن الدنيـا ترانـا مقفيـن =
=ولحداً باخذ غير صفحـة عمالـه
ان كان كله خير زينً على زيـن=
=وان كان كلـه ظلـم واعزتالـه
والله ماتوجـد بكـل القوانـيـن =
=ان شخص يظلم في مدينه لحالـه
والله ثـم والله ماتبـرد العـيـن =
=حتى يزول الظلم واهـل الجهالـه
ولا بد كـل الحـق لابـده يبيـن =
=الله ذكـر أيـه عليـه ودلالــه

مابي مرض ولا همني كثرة الدين
ولا همني من هو يفاخـر بمالـه
مدام انا يارب ضمـن المصليـن
وامشي بنية صدق ماهي حيالـه
.
.
الله اكبر ما اروعك اخوي ابراهيم
.
قصيدة ترسم خارطة الطريق...............
.
خارطة الطريق لمن اراد النصيحة
.
قصيده جزله.....................
.
قصيده شاملة
.
تسلم على هذا الابداع
.
تقبل مروري

المشاركة الأصلية كتبت بواسطة واصل عزيز (المشاركة 38607) بن صبحي العضيله صح الله لسانك وسلمت يمينك شاعر جزل بارك الله فيك لنا الشرف بتواجد مثلك وشرواك بيننا والله يقدرنا علي الجميله معك لك منا كل التقدير والأحترام اخوك واصل عزيزي