قصة راعي الطير‎
 

هذه قصة راعي طير من أهالي الشمال حيث نزح واحد من أهل الجنوب للشمال لبعض الأسباب وكان الجنوبي صقار مولع بالطيور وله ولد بار فيه والصيد موجود وهو دايم مع الدبش ويصطاد

وفي يوم من الأيام اجتمع ولد الحنوبي مع ولد الشمالي وهم بعيدين عن بعضهم بالمنزل ولكنهم اجتمعوا فقال ولد الشمالي وش يصيد طيرك قال ولد الجنوبي صيده على قده ارنب وسمق وكان الشمالي معه حُرٍ كبير يصيد كثير من الحباري قال ولد الشمالي انا واياك اليوم اخويا يكفينا طيري وطيرك اربطه بالقش وحنا حوله وابتدوا بصيد الحباري وغفلوا عن الطير المربوط

طير ولد الشمالي شاف الطير الصغير وذبحه فقام ولد الجنوبي يتأسف على طيره قال ولد الشمالي ما يسوى هذا الندم قال ولد الجنوبي ابوي يسوى عنده شي ءكثير قال ولد الشمالي ابا اعطيك طيري وابوي مثل ابوك ابقول له ضاع قال ولد الجنوبي طيري ما يسوى عشير طيرك واقسم ولد الشمالي اذا ما اخذته اني لأذبحه

فأخذه ولد الجنوبي وعندما وصل ولد الشمالي لوالده قال لأبوه ضاع الطير وكان يسوى عنده ابله كلها وندم ولاجاه نوم شب ناره وسهر عليها

اما الجنوبي رأى ابوه الطير الكبير قال منين لك هذا فأخبره القصه فقال اخطيت يا ولدي هذا الطير غال عند راعيه ويسوى عنده شئ كثير قال ارجع به بهاليل قال ما ادله قال تلقاه ما نام تلقا ناره تدلك وفعلاً مشى صوب العرب ودلته النار عندما وصل النار إلا الشمالي يتسلى بالربابه ويغني بطيره اللي ضاع قال ولد الجنوبي ابشر بالطير وهو يفقع ناطحه قال ابشر بالبشاره فأعطاه حصان قال ولد الجنوبي ما اخذه ابي بعير يكفي قال الشمالي هذا ثمنه كثير وهو لك مني واذا ما اخذته ذبحته فأخذه واتى لوالده قال ليش تأخذ حصانهم وقال الولد قالي اخذه والا ذبحته قال الجنوبي الولد والوالد كلهم سوى


اما الأبيات فهي :





تطلعـوا بانظاركـم يـا مداويـر

للأشقر اللي بايسر الجـو حامـي

غدن به برق النحـور المعاشيـر

وابعد سمامه عن مقابل سمامـي

واطيري اللي كن عينـه سناكيـر

حاطوب ما تبرد كفوفـه دوامـي

وش عاد اما ريبه جميع الصقاقير

عقب اشقرٍ عدل الجناحين شامي

كنه غلامٍ فاشحٍ لـه علـى بيـر

متمشلحٍ يسقي قطيـع الظوامـي






منقــــــــــــــــــووووووووول

مشكور يالوايلي على هالنقل الأكثر من رائع

ويعطيك العافيه

تحياتي

أبن صـعـيـر

مشكوور يا الغلا


لا هنت


سلامي