منتدى بني عزيز الرسمي من مطير - ملخص المحاوره بين الشاعر عبد المجيد الضويفري والثبيتي .. الاولى حسب جدول المحاورات المباشره

ملخص المحاوره بين الشاعرين عبد المجيد الضويفري والذيب الثبيتي

الطاروق الاول

عبد المجيد الظويفري

في محل أهل المكارم والشجاعه والحميه = مرحبا في مرحبا والنور جلاي الظلامي
يالثبيتي قالوا الليله نبا نلعب سويه = عقبها نكشف ورى الشاشات منهو بالكلامي

الذيب الثبيتي

في محل القوم عند اللى مايرضون الخطيه = البقا .. والفرق واضح فالحلال وفالحرامي
ودنا نلعب سويه بعد ماجيت بيديه = الله يعين المطيري كان ماشدّ الحزامي

عبد المجيد الظويفري

انت ضيفًُ عندنا ونقابلللك بالمقدريه = وان تعديت الحدود تجيك في صلب العظامي
ول يامجنون ليلى يوم حب العامريه = بعد ودعت الحياه اللي مشى دربك يظامي

الذيب الثبيتي

ضيفكم عالي مقامه مانزل لاهل الرديه = انتبه للكلمه اللى ضربها مثل السهامي
ذاك حبه يامطيري من عصور الجاهليه = لو تحب اللى يحبه تتركه من بعد عامي

عبد المجيد الظويفري

مانقول قصور فيك ولكن النيه مطيه = ماجرحنا الضيف لو انه لفانا اليوم حامي
ذاك بعدنه رحل ماظنتي تلقى حليه = انتبه واعرف شروق الشمس دام الدرب شامي

الذيب الثبيتي

ماكشفت الصدر بس اظن الك ستين نيه = ناوى بقتل الجمل واحيان ودك بالصيامي
الله انه يرحم اللى مات ويعز البقيه = جايكم واحد مايسكت للمنافق والحرامي

عبد المجيد الظويفري

نجزي الحسنه بحسنه وانت تجزاها بسيه=اعرف ان المجد له في هالزمن ذروة سنامي
من لفانا بالموده طاب شرب الشاذليه=ومن لفانا بالقشاره جاله اليوم الختامي

الذيب الثبيتي

كلمتك ترجع علاك ولاتحسبها عليه = مجدكم مثل السراب اللى يشوفه كل ضامي
القشر ماهو بليه والغدر ماهو بـ ..ليه = لكن اللى بيتحداني يبشر بالحسامي

ملخص الطاروق الثاني بين الشاعرين الذيب الثبيتي وعبد المجيد الظويفري

الذيب الثبيتي

الليل وينك يالمطاري .. عندي علوم اشكال والوان = تعال واسمع وش علومي .. الليل وينك يالمطاري
وان كان تال الليل ساري .. اخذ الحذر ياصاح من شان = من فوقك طيور ٍ تحومي .. نصيحتي لن كنت ساري

عبد المجيد الضويفري

عندك وانا طال انتظاري.. عطني علومك قبل الاذان =اليوم ياابن ثبيت يومي..عندك وانا طال انتظاري
ساري وانا سبع الغداري ..ماهمني علان وفلان=لو كان ماحولي نجومي .. ساري وانا سبع الغداري

الذيب الثبيتي

في ليل ولا في نهاري .. شاشاتكم تبعث للاخوان = واظن مرسلها محرومي .. في ليل ولا في نهاري
وعلومه علوم الصغاري .. يبني بيوته دون عمدان = مايدري الحمل المحزومي ..وعلومه علوم الصغاري

عبد المجيد الضويفري

قضيت ليلك بالهذاري..الظاهر انك جيت سهران=سهران عايش بالحلومي..قضيت ليلك بالهذاري
مادامها كاتب وقاري...لاشك بين الناس عميان=حنا لها وقت اللزومي...مادامها كاتب وقاري

الذيب الثبيتي

شبيت بين الناس ناري .. واللى فرح بالنار ورعان = فعلتك ماهي من سلومي .. شبيت بين الناس ناري
بالعلم هذا شوف غاري .. ماتنفع علومك ياذيبان = ياجعل من رزك يدومي .. بالعلم هذا شوف غاري

عبد المجيد الضويفري

اشويك في نارك جباري..ياطير اشوفك دون جنحان=تراك ماانت اكبر همومي.. اشويك في نارك جباري
تضيع في عز النهاري...والدرب من شمس الضحى بان =ان طحت طيحه ماتقومي ..تضيع في عز النهاري

الذيب الثبيتي

الكل يابن مطير داري .. هذا كلامك دون برهان = احد ٍ شرا واحد ٍ يسومي ... الكل يابن مطير داري
ماندخل بجوف الكباري .. والدرب واضح لك بالاعيان = لاتعكس دروب القرومي .. من شان تدخل بالكباري

عبد المجيد الضويفري

ياليت حظك جاب غاري..ماضنتي بتعود كسبان=وش فيك ضيعت السلومي.. ياليت حظك جاب غاري
تحتاج دكتور استشاري..انا اشهد انه صابك جنان=الله على خلقه رحومي.. تحتاج دكتور استشاري