عيشة نكـد ماهـي بعيشـة مسـره=
=مدام بذل الجهـد مـا وكـل العيـش
هـذا زمـان اليـوم يكفيـك شــره =
=اليا بذلت الخيـر قالـو علـى ويـش
تبذل من المعـروف تلقـى المضـره=
=من أهل الحسد واهل القلوب المغاشيش
الحـظ الاقشـر قـام كــلاً يـفـره =
=وهوه على ما قيل طيـراً بـلا ريـش
حظي يتيـم ومـا بـه احـداً يبـره =
=يمشي على كيفه ولا قلت لـه ليـش
تعبـت وممشـاي بضلـع(ن)وحـره=
=ورجلي ملاها شـوك مابـه مناقيـش
لوانـك مقـفـي وثـوبـك تــزره =
=يلحقك من شلة هـل الظلـم تحريـش
كـلام كذباًيشـوي القـلـب حــره =
=يجيبـه اللـي ضاريـاً لتشـاويـش
مــن هوتـوكـل قـلــت لله دره =
=بالله متوكـل ولا يـقـرب الطـيـش
ماهـوبـجـايـه لـومـثـقـال ذره =
=لوكان قدامه من اهل الحسـد جيـش

الله الله

صح لسانك يا ابو صبحي على القصيده الجزله من شاعر جزل

لا هنت

سلامـــــــي,’,’,’,

المشاركة الأصلية كتبت بواسطة سفير المهد (المشاركة 38762) هـذا زمـان اليـوم يكفيـك شــره اليا بذلت الخيـر قالـو علـى ويـش تبذل من المعـروف تلقـى المضـره من أهل الحسد واهل القلوب المغاشيش صح الله لسانك ياابو صبحي وقصيده جززله واتحفنا بكل ماهو جديد لك لك تحياتي

المشاركة الأصلية كتبت بواسطة واصل عزيز (المشاركة 38763) ابراهيم صبحي يااااسلام عليك صح الله لسانك وسلم الله بنانك وجزل يالغالي بارك الله فيك وفي جديدك وخالص الشكر لك تقبل مروري المتواضع وكلي شرف بك وبمروري الأول علي متصفحك الذهبي واصل بن عزيزي

المشاركة الأصلية كتبت بواسطة الطريس (المشاركة 38765) اخوي ابراهيم صح لسانك قصيده جزله كجزالتك بانتظار جديدك اخوك الطريس

صححححححححححححح لسانك
قصيده رايعه
نحن في انتظار جديدك
تقبل مروري