الفكر والهـم والهاجـوس والحيـره=
=مجمل مشاكل وفي صدري مجمعهـا
الصدر من كثرهـا شبـت دوافيـره=
=ماعاد يقوى على العلـه يصارعهـا
النهت والوحوحه أفضـل مزاميـره=
=يقشرهـا مـن مزاميـراً تجرعهـا
الصبح يبـدي بهـا أول مشاويـره=
=والناس تصبح تـدور وش منافعهـا
حاولتلي فـي قـراراً زان تصديـره=
=وقلنا عسى الخير فـي بادرطلايعهـا
مدرى علام الأمل نحكـم بتصغيـره=
=مدام ربـي علـى العالـم موسعهـا
هـذا قـراري أبـدل ديـره بديـره=
=وقول نفسي تبـا تنسـى مواجعهـا
بعد نويت السفـر ياجعلهـا خيـره=
=والنفس فيمـا تبـي لازم نشجعهـا
مرت سنيناً بحلماً صعـب تفسيـره=
=والنـار تطفـي وتفكيـري يولعهـا
مرات اقول الامل جاء كافخـاً طيـره=
=ومرات الاعيـان تغرقنـي مدامعهـا
خمسة عشر عام والسيره هي السيره=
=احصد همومي وتنتج لـي مزارعهـا

المشاركة الأصلية كتبت بواسطة بيرق مطير (المشاركة 42216) هلا وغلا فيك اخوي براهيم العضيلة صح لسانك وسلمت يمناك لكم مني خالص الود