حــدايــة الـصـعـران في حـفـل الـصـواونـة
 

بسم الله الرحمن الرحيم

السلام عليكم ورحمة الله وبركاته

هذا حداية الصعران في حفل الصواونة

لي الـشـاعـر عبدالله بن هلال الصعيري


سلام ياللي لاحتمى العلم او وقف على محكه ** عون الرفيق اليا تذكر عزوته والعلم ضكه
جينا نبارك وانتشرف والوفا مافيه شكه ** والناس قالو ما يعز الراس ياكود المتون

ابنشدك عن باب ماغير الله الوالي يفكه ** ترزق معه واول ماتنظر فيك خلق الله تصكه
يذكر ورى عرق النفود ويذكرونه حول مكه ** والمعطي الله والخلايق يرزقون ويحرمون

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ

وهذا الرد الصواونة لي الحدايه


يامرحبا ترحيبه من خاطر مافيه لكه ** اغلى من نقود الذهب في مصنعه من عقب سكه
حيا الله رجال معادهم لياعاند تدكه ** جيتوا على عزوشرف يالله عساكم تسلمون

الباب باب الرزق فيه المال لن جاء معك زكه ** وتراء الحسد لن جاه من سهم النظر سرعه يلكه
ولا ادمي بابه فمه وللي مايفهم فيه حكه ** لو نها البيبان واجد والعرب مايجهلون
ــــــــــــــــــــــــــــــــ

بس بنسبه لي حل الصواونه غلط

من الصعران
مشكور على النقل الرائع وحدايه ولغز رائعه

حدآآيه رآئعه

مشكوور من آلصعرآن

لآ هنت

حدايه رائعه


مشكور اخي من الصعران

(بدايه جيده لك اخي من الصعران)

فالبدايه مشكور اخوي من الصعران على النقل الاكثر من رائع وعلى هذا الابداع واما بخصوص الشاعر عبدالله بن هلال العزيزي فهو شاعر وغني عن التعريف تمام لما يمتلكه من قوة الحبك والسبك والفتل والنقض شاعر ولا نختلف على شاعريته ونحن معه قلباً وقالباً والله يوفقك يا ابو وائل وما اتمناه من الشاعر عبدالله هلال الرجوع لنا والعود للنظم والمحاوره ومطلوبه يا ابو وائل من المكان هذا ومن الصرح العظيم انك ترجع تكفا شايف جميع شعراء بني عزيز اللي بالساحه الان مازلت انت متفوق عليهم بالرغم من ابتعادك عن ساحة الملاعب ابي اقولك بعد انا متابع جميع شعرك من بدايته الى الان واني مازلت احفظ لك بعض القصايد و بعض الابيات من كثير من المحاورات تكفى ارجع للمحاوره لان جميع بني عزيز في حاجة شاعر مثلك يعرف يصيغ الكلام ويفهم مايدور بمخيلت خصمه وانت الوحيد اللذي يستطيع الذود عن بني عزيز الله يردك يا ابو وايل واما عن الحدايه فالحدايه قويه جدا وانا وبكل سراحه ما الوم الصووانه في حل اللغز لانه لغز مليان والله والله ليبطي كثير من الناس ماحله وفي الواقع الحل جابوه مجاراه للغز يعني خلها على الله بس اقلطو حياكم الله لان الشاعر عبدالله هلال دفن لهم اللغز واخفى جميع معانيه وفي نفس الوقت بعد معرفتي للحل وجدت انه لغز مليان ولا عليه كلام واتمنى من الجميع ان يتقبل مروري واتمنى انه محد يزعل من كلامي لانني انسان قلت الحقيقه او ادليت بوجهت نظري مره اخرى تقبلوا مروري اخوكم الصارم

مشكور اخوي وموضوع مميز ورائع

اخوي الصارم بني عزيز فيها شعار واجد
والمجامل في بعض الاماكن ماله داعي

وانا ما انكر قيمة الشاعر عبدالله هلال
عبدالله شاعر معروف وغني عن التعريف
وما فيه اي عزيزي يجحد الكلام هذا
وانا حظرت له ملاعب في بداياته في
عام 1418-1419 مع كثير من الشعراء
واذكر انه مره لعب مع مشعان الزويكي
وكانت بعد في بداياته
وفيها بيته اللي بداء به يوم يقول
قوم يابن عميش عطنا من جزيلات العلوم
حضر عشاق الملاعب وحضر ابطالها
اخوي الصارم عبدالله هلال شاعر معروف
وشعراء بني عزيزي فيهم الخير والبركه

على فكره نسيت اقول لكم شيء اليوم العصر
قاعد اقرأ الحدايه وانشد بها وبصوت شيلات الحدايه
وجنبي الشايب الله يخليه لي ويتسمع ويوم بديت في اللغز
وخلصت ابياته قالي عيد وقمت واعيده قال الحدايه من هي له
قلت لـ الشاعر عبدالله هلال ابن ماشع ابن صعير
قال شاعر ومعروف قلت طيب علمني بلغزه قالي عيد اللغز علي
وجاوبني وقال اللغز السر اي سر المولود
والله لغزه قوي ولا كل واحد يحله
وطلب مني اقراء عليه الرد
وضحك قلت علامك قال ماهم حوله

الأخ الصارم والنعم بعبدالله هلال ولكن لي ملاحظة على اللغز وحله من الصواونة حل صحيح بشهادة عدة شعراء في ذلك المحفل ومن كبار شعراء بني عزيز وغيرهم والغز اللي يحتمل أكثر من حلين ليس بلغز ورد الصواونة صواب ولست متعصبا لأحد وهذه وجهة نظر لاغير .