ماني مكلف بكم ياهافي الذمه=ليتك فروضٍ فرضها الله تصليها
من لا يصلي يجيه أبليس يختمه=خمت عما في طلمسٍ ما يقاويها
وقت توقيت لك يا بارد الغمه=يقصم قوايمك واذن الراس يلويها
صورتك بين الصور بالشوم مرسومه=يستنبط الشوم من لد النظر فيها
لا تحسبنك رقيت ابعالي القمه=شرواك وام الجراء ترقد حواليها
وبذلٍ بذلته لغيرك قوم واقتمه=يامن حقوق النشاما ما تراعيها
الخايعه دائماً يبداء بها الرمه=واهل النفوس العزيزه ماتدانيها
من كان يجنح معك واعزتي لأمه=يجهل كثير المعاني ما يقديها
لك هبوةٍ في جموع اربوع ملتمه=هبوة محمد علي النيران تطفيها
دلوك على الطيب تقصر ماتجي الجمه=في ملتقى الورد موذمةٍ عراقيها
ياشبه من لا برز براز يختمه=غنائم الليل فالغبشه يدربيها
نضحك وقوم النفوس القشر مهمته=على سبيل المثال أرخت علابيها
ياهل الوفاء معذره لن جاتكم زمه=كلمة خطأً زحلقت ماني بناويها