|
سرقتك بالزمن لحظه وعشتك بالفراق اوقات ..،~
كذا يعني .. كذا فجأه .. تغير كل شيً فات كذا زالت مواثيق الغلا والحب من ذاتك !! كذا كنتي .. كذا صرتي .. كذا خيبتي الهقوات كذا .. والا كذا .. ضيعتي دروبي وخطواتي !! انا مل الامل فيني .. يدور للشفاه اصوات عجز صوتي ينادي لك .. قضى قلبي من سواتك !! نصيتك والوفا زادي .. رحلتي والقلوب اشتات مصايب والرجا خايب .. تقود خطاك رغباتك !! كبيره طعنتك هذي .. تعودتي على الطعنات غريبه حيل ذا المره .. ولاهي مثل طعناتك !! سألتك بالذي خلى عيونك تذرف الدمعات تكف الدمع لاتجني على خديك دمعاتك !! انا ما قد خبرت اني تعمدت اجرحك بالذات وانا ماهمني غيرك اعيش من اجل مرضاتك !! سرقتك بالزمن لحظه وعشتك بالفراق اوقات ولا ادري وش بقى لي بالعمر من دون لحظاتك !! أحبك .. رحت ادور في قواميس البشر كلمات عجزت القى حروفٍ تستريح بصدر كلماتك !! أحبك .. يا ندى فجر الجروح وصحوة العبرات أحبك .. كلمـةٍ تبكـي معـانيها على شفـاتك !! تظنين الوفا كلمه عجب واصل الوفا وقفات صغير الشي في ظنك يصير اكبر معاناتك !! تردين الخطا يمي .. تزيدين الالم شرهات وانا صمت الشقا فيني حكى من كثر شرهاتك !! توالت كلها فجأه .. تعاظم بالحشا صدمات يجي يوم وتواري شمسنا من ليل صدماتك !! ذكرتك .. والدروب اللي تعانق خطوتك بالسكات وانا ما زلت اسافر بين نظراتك وضحكاتك !! ذكرتك .. وانطفى جمر الكلام وذابت الشمعات سهرتك واستفزيت النجوم بليل خصلاتك !! تعالي .. واذرفي دمعك على قلبٍ كثيره مات تعالي .. واخذي الباقي يفيد لوقت عزواتك !! تعالي .. لاتخلين السنين المقبله تقتات من افراحي ولحظاتي وطرباتي .. وسبحاتك !! تعالي .. وواعديني .. لاشقا .. لاكذب .. لاغلطات ترى ما للصبر باقي على كذبك .. وغلطاتك !! تغيرت ولا ادري وش جرى .. وش غير النيات سألتك واعتكف برد الجواب فـ معطف آهاتك !! تقولين انت في راحه .. واقول من القهر هيهات انا لا جـيت للراحـه .. تطـاردني مسـافـاتك |
أحبك .. يا ندى فجر الجروح وصحوة العبرات
أحبك .. كلمـةٍ تبكـي معـانيها على شفـاتك !! الله الله عليك يافتى حائل اشكر لك عذوبة البوح وكفى تقبل مروري فــــــــــــــجـــــــــــــــر |
تعالي .. وواعديني .. لاشقا .. لاكذب .. لاغلطات
ترى ما للصبر باقي على كذبك .. وغلطاتك !! الله الله روعه اخي فتى حايل يعطيك العافيه |
سألتك بالذي خلى عيونك تذرف الدمعات تكف الدمع لاتجني على خديك دمعاتك !! انا ما قد خبرت اني تعمدت اجرحك بالذات وانا ماهمني غيرك اعيش من اجل مرضاتك !! اذا كان للقلم من ابداع فأنت ابداعه كلمات عذبه تنم عن شاعريه ذات ذوق رفيع وجميل تسلم أناملك أخي فتى حايل ولا تحرمنا من جديدك أخوك العزيزي المغترب |
أحبك .. رحت ادور في قواميس البشر كلمات عجزت القى حروفٍ تستريح بصدر كلماتك !! ابداع شعري حقيقي صح السانك اخي فتى حايل وتقبل تحياتي رجل كان هنا ورحل |
محبكم فتى حايل
السلام عليكم ورحمة الله وبركاته
اشكر مروركم الذي ادخل السرور الى قلبي بصراحه انا مقصر في حقكم لكن ظروف الزمن تلعب دورها الله لا يشغنا الا في طاعته الىكل من يحب هذا المنتدى الواعد اكيد انشالله اني انزل لعيونكم كل يوم موضوع تحياتي [فتى حــــــــــــــايل] |
| الساعة الآن 08:27 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "