منتدى بني عزيز الرسمي من مطير - ملخص محاوره راعي الهوجا والجامح

السلام عليكم ورحمه الله وبركاته

اليوم جايب لكم محاوره بين شاعرين من أعضاء المنتدى وهم :
1-راعي الهوجا 2-الجامح

الجامح:
سلام الله برديه لها معنى ولي مقصود = موجـهها على الشعار والـمـقصــود فـــي بالــي
عيـــال الشــايــب الــلــي كــل ماجينا محل العود = لينه ينشد العربان من عين لي عيـــالي

راعي الهوجا :
هلا يامرحبا ترحيبتن تندى بريح العــــود = من اللي هاجسه للطيب والنوماس ميالـــي

اعرفه شايبن مبروك مايقرب من المنقــود = عيالــه ماتبره والبنيــه عندها غالــــي

الجامح:
لعلك للبقا ياللي ترحب ما عليكم زود = على خبري بـكــم مــانــي بــقايلك يورالي
لكن خافو من الله فيه واخشوا ربنا المعبود = تقدم في الجزيله واترك الهزلات للتالي

راعي الهوجا :
فعلنا الطيب مار الطيب يالجامح غدى مجحــود = ولامنا شرينا مانجيب الا من الغالـــي

ومع هذا يجيك من القرابه واحدن مقــــــــرود = قليل الفود ماينفع بلا حالن ولا مالـــي

الجامح:
انا مااجحد فعول الطيب وانتم فعلكم مشهود = ومن له حيلتن تالي الزمن والوقت يـحـتـالـي
تعزوا واحتزم والحق له قدحه كما البارود = يجي العلم الصحيح وكل مقرودن وله والي

راعي الهوجا :
تعزوينا بعزوة عز هبي يارياح النـــــــــــود = ولامنا تعزوينا يجي فـــالارض زلـزالـــي

نبي هرج الصراحه والجزاله بيننا مشدود = بعد ماشفت دمع الجزل فوق الخد سيالـي

الجامح:
عليه بالحرام انك وفيت وقدها وقدود = لكن امرك يبي ينزل علاك من السماء الــعــالـــــي
لك الله مابلشنا في الجزيله و النقاء مجرود = ليا ما ارضت هل الوقفات عنها مكرم اسبالي

راعي الهوجا :
انا ماني قصير اشبور واقود المعاني قـود = وابشر بالسعد واصير للعقدات حلالـي

ولاجتني من الله قلت يارزاق يامعبـــود = ولاجتنا من الجامح وقفنا بالتسهالـــي

الجامح:
انا ماودي اهجد العرب والمسلمين ارقود = يــبــا يبدي لها بعدين مخراجن ومدخالي
علوم الغيب لله والبشر تصبر لكن بحدود = وانا من يمي ازهل خل عنك القيل والقالي