تغير الزمان
 

اببدا بذكر الله وبســــــــــــــــم الله الرحمن
وبكتب بيوت داخل الصــــــــــــــــدر مخفيه
وعبر عن اللي داخل القلــــــــب با القيفان
وبسج با الهاجوس مع شــــــــعري شويه
بعد شفت شي صــــــــــار في تالي الازمان
اشوف ان عقول الناس ماهي طبــــــــيعيه
زمان تغـــــــــــــــير يا الله العفو والغفران
ويا الله يا المـــــــــــــعبود تمحو لنا السيه
ياكثر التـــــــــــــغـير كل ما اطالع العربان
ويا كثرالقلوب اللي على الحــــــــقد مبنيه
تصير المشاكل في الجماعه وفي الاخوان
وكل على الثاني بقلبه حســـــــــــــــــاسيه
صار الجار يكره جاره ويكره الجـــــــيران
وذا شاف جاره صابته منه نفســـــــــــــيه
وتلقا عقول صغار لو انهم شيــــــــــــــبان
عقول صغار ونصها فيه مسحـــــــــــــــيه
وتلقا مجالسهم على غيـــــــــــــبه وبهتان
ونياتهم مع بعض قــــــــــــــــشرا وملويه
والا يا زمن وش باقي مخـــــــتفي ما بان
مدام ان كل انسان نفسه تـــــــــــــــجاريه
والا يا وجودي وجد يا وقتـــــــنا اللي كان
يوم ان القلوب انظاف كل على نـــــــــــيه
يوم الناس لا حاقد ولا فيـــــــــهم الزعلان
والا احد على الثاني مـــــــــسوي حزازيه
وفي اختامها نعوذ با الله من الشـــــــيطان
من اهوال وقت يكوي ويجود الـــــــــــكيه

عايض ابن نور العزيزي

مشكور اخوي عايض والدنيا مازالت بخير كفانا الله الزمان القادم لك تحياني واعجابي