|
ارسم لنفسك حدود ولاتعداها
السلام عليكم ياحبايبي مساكم / صباحكم ورد هذه قصيده للشاعر عبدالله بن زويبن الحربي اعجبني اسلوب الشاعر فيها وان دل يدل على رجاحة عقله وحبيت انقلها لكم .. سمعت لي كلمـة مـدري وش اقصاهـا حـزت بنفسـي وأنـا مانيـب هارجهـا لـو كـل كلـمـة إليا جتـنـا طردنـاهـا بعنـا الثميـنـة بسـعـر مايخارجـهـا لـو مـرت السمـع ماكنـا سمعنـاهـا ونقفـل الـراس عنـهـا لا يبرمجـهـا ومـن يـم هــذا لـهـذا مانقلنـاهـا والنـاس واجـد وتلقـى مـن يروجهـا مـن جابهـا بيـن خـلـق الله وداهــا لو بـه مراجـل تـرى نفسـه يسمجهـا ومن عامل الناس فـي سابـق خطاياهـا يقعـد بـدارن خــلا مــاداج دايجـهـا فـي كنـة تشـوي الجربـوع رمضاهـا وتابس غصون الشجر من حـر واهجهـا والناس بالحق حكم الشيخ مـا أرضاهـا ماتقنـع النـاس لـو انــك تحججـهـا ياللـي تبـا الطيبـة خذهـا وعطنـاهـا وخـل الطريـفـة طـريـة لا تثلجـهـا وأقضب طريـق الأوادم وامـش ممشاهـا أتبـع دروب العـرب وأدرج مدارجـهـا ((وأرسـم لنفسـك حــدود ولا تعـداهـا)) من حط نفسه بـدرب الضيـق يحرجهـا وان كـان نفسـك هواهـا قـام ينحاهـا حط الأعنـة بـروس الخيـل وأسرجهـا وفـكـر بمنكافـهـا قــدام مغـزاهـا واضـرب حساباتهـا وتشـوف ناتجهـا وكـل بعضـده يمـوح الدلـو برشاهـا وتلقى كبـود الضوامـي مـن يبرهجهـا وان كان تـوك علـى صـدرك تهجاهـا حنـا ترانـا نـدرس فــي مناهجـهـا مـن يـم مصباحهـا نبعـد معشـاهـا إلـى قعـد راعـي الضـلـع يدرجـهـا لو هي صعيبـة إلـى انعاجـت عدلناهـا واللـي تجـي مستقيمـة مـا نعروجهـا نهتـم فـي وزنهـا وابــرام معنـاهـا ومـن الكرستـال واللـولـو نتوجـهـا مثـل الجواهـر ليـا مـنـا نضمنـاهـا وسلوكها مـن جديـد الـزري ننسجهـا مخايـل ترتـدم والـصـدر منشـاهـا لا دك بالـبـال داكـــوك يهيـجـهـا وليا أمطرت ضاقت الوديـان فـي ماهـا تاخذ إلـى الحـول مـا يبسـت مدالجهـا وان صدت الناس عنـا مـا أعترضناهـا مـا تقفـي النـاس عـنـا ونتولجـهـا وإن جاتنـا الطيبـة بالطـيـب زدنـاهـا الطيبـة بالعسـل والسـمـن نمزجـهـا وان جاتنـا الثانيـة نصـبـر ونرفـاهـا يمكـن إليا فـاق راعيهـا يعالجـهـا وان عادهـا عـودة مـاعـاد ينسـاهـا من حربة فـي صميـم الصـدر نولجهـا مسمومـة يبلـش الدكـتـور بـدواهـا مايقنع الخبل لين انه يلامجها:smiiiiiiile: وسلامتكككم وسلامتكككم |
قصيدة جميلة ياعاشق هبااااء
لاهنت يارفيقي ننتظر جديدك :sunglasses2: |
وان جاتنـا الثانيـة نصـبـر ونرفـاهـا
يمكـن إليا فـاق راعيهـا يعالجـهـا وان عادهـا عـودة مـاعـاد ينسـاهـا من حربة فـي صميـم الصـدر نولجهـا |
اقتباس:
الله يهين عودك ياابو سعود والأجمل مرورك |
اقتباس:
اسعدتني سنحتك لموضوعي وتستاهلين البيتين الي خذيتيها |
السلام عليكم ورحمة الله وبركاته
هذي والله القصيده قريتها اكثر من مره لجزالتها وقوة معناها صـــح لســان شــــاعرها الله يعطيك العافيه ياعاشق هباء تحيتي لك |
مبدع ياعاشق هباء
صح لسان الشاعر |
اقتباس:
الرائع والمميز والحلو بالموضوع انك مريت عليه يالوايلي |
اقتباس:
يابعد حيي الإبداع هو مرورك هون :36_1_21: |
| الساعة الآن 11:45 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "