size="5"]خواطر نفس مشروعه
(شعرالضافر)
على همس الوداع اللي كسا شمـــس الضحى غيمه =هلا يا صوت وصل ما هزم فـــي الخافق الـلـوعه

نهل من نزف روح ما لها غــــير الرجـــاء شيمـه =وتحدى آنة جوف الحشى تستوطن ظـــلــوعــــــه

تذكرني متاهات الطريق وظلمة الليـــل وترانيمـه=وتقهويني عزاوي فـي دلال الصبــــر مــــطبوعه

ووســــدها بـقايـــا عزم روح تــــشتكي ضيــمـــه=ونــوخت الــركاب وهاجسي مانـــامت شـــموعه

وصبرنا فوق صهوات الألم في شرع تــــحريمه=وتــرادفنا شــداد الــراي والأفــكــار يــنـبوعــــه

وقطعنا بـــــــه مفازات الجروح ونــــار توهيمه=ومثلنا بـــــــدور الحزن حرقت نفس مفجوعـــه

وسطرنــا وفــات الشـوق غيــله يــوم تكريـــمه=وحفرنا قبره الموحــش بــهجر ما خلق نـــوعه

ورثيناه بحناجــــــر تـدعي با الزور تــــعظيمه=وقرينا آيات من ياسين قبــل الموت ونزوعـــه

وغمضنا عيـونــــه قبـــــل لاتــبرد ابـاهــــيمه=وكفناه ويديه تشبث في هشيم يبست فروعـــــه

ووسدناه في لـــــحده منى الروح وتعازيــــمه=ونقشنا فوق شاخص قبره الغلطات مرجـوعه

وغرسنا مــــن جريـــد فوق قبر فــاح تلويمه=وقبل لانتركه يبست نوامي الوصل وزروعه

ونثرنا ساعة التوديع دمــــعه مــالها قــــــيمه=ونسجنا من جديل الشوق قصة فخر مسموعه

كتبناها تحت نــــــور العزاوي والسماء ديمه=ووقعنا بـــدم الــــروح للعشاق مطـــــــبوعه

ورسمت أشارة التحذير قبل اسمه وتقديــــمه=وقبـــــل الفجر سميته خواطر نفس مشروعه[/size]