منتدى بني عزيز الرسمي من مطير - ليه غبت وليه رحت ...وليه تتركني وحيد؟

ليـه تبعـد وانـت قربـك يــوم عـيـد
وليه ترخصني وانا مغليك يا سمح الجنـاب

ليه تقسى وانت لين والقسـى همـك بعيـد
وليه فصلت لجمودك مـن شراينـي ثيـاب

وليه فجاءة تنسحب من دون شرط و دون قيد
وليه تلغي ما يسمونـه شـروط الانسحـاب

وليه وليه تترك ظنك الظالم على راسى يذيب
وليه ما واجهتني وخذت من راسـى جـواب

وليه غبت وليه رحت وليه تتركنـي وحيـد
وليه ما حنيت قلبي مـن كوابيـس الغيـاب

ما دريت انـك وريـد الـدم او دم الوريـد
يعني العيشه بدونك ثامـن السبـع العجـاب

وما دريت اني اعشقك صدق يا العشق العنيد
وان ما قبلك يسمى ايش يمكن نزوة شبـاب

يعني معقوله ما تـدري لا لا لا شـئ اكيـد
انـت تـدري بـس وش سـر الانـقـلاب

الله اكبر ما انت خابر ليلـه العمـر السعيـد
يوم كنا نكتب الذكرى على غـلاف الكتـاب

وين كنا وين صرنا وليـش والا ليـه اعيـد
المشكله غاب وبعد كل ما يذكرني فيه غـاب

لا سؤال ولا وصـال ولا اتصـال ولا بريـد
حال يكسر خاطر الميت وهو تحـت التـراب

منـت والله مستفيـد ولانـي والله مستفيـد
ما كسبت الا عـذاب ولا كسبـت الا عـذاب

والاكيد اللى عليه احلف واقـول انـه اكيـد
ان قلبـي مــن فـراقـك ذاب وذاب وذاب

مما راق لي
تقبلوا تحياتي