(ياواحشنا وش أخبارك) وش أخبارك ياواحشنا (وش اللي غير أحوالك) تعال وطيب الخاطر رفيق الحزن في غيابك ودرب الحزن جننّا يضيع بلحظة حضورك ويصفي حظي العاثر دخيلك إسمع الآتي وتابع مابدر منّا مادام إن الأمل شمعٍ مع ليلك بقى ساهر إذا كان الغلط منا لزوم إنك تسامحنا وإذا كان الغلط منّك على عيني أنا حاضر بسامح لو غلطك أقسم له سنين مزعلنا وأبرضى دامك الغالي وأصير العاشق الصابر رجيت الناس والعالم وكل اللي عرف (إنّا) نعيش وقلبنا واحد على صدق ووفاء زاهر إذا غبت الوفاء نادى (سهام الشوق تقتلنا) وإّذا جيت لعيون الشوق عشانك قامت إتكابر تغيب وخاطري يسأل علام الزين هاجرنا.؟ وأغني والدمع غنى(أشوفك وين يامهاجر) أنا /والشوق/ والذكرى على شأنك تسابقنا نحس بلحظة غيابك ولاندري وش الآخر قسم بالله لو تدري وش اللي بعدك اتعبنا..؟ وتجي وتشوف واردنا كره إمعانق الصادر لتحّلف إنك الدنيا وأمانينا ومشاعرنا وأنّك داخلي شعبٍ يعيش بمملكة شاعر