الجادل إللي محاسنها تذوب إلها الكـبـود =عاهدتني لأنسى لياليها , ولا وفّيتها
ولانيب من قوم الكلام الكذب , مخلّفه العهود =ولا أذكر أني : برّت بوعودي ,, ولا تميتّها
حاولت أبعدها عن أفكـاري .... ولكن دون فود =وش هـي القصايد ؟؟ كان ما لأغلى البشر غنيتهـا !
وشلون أبنسى والفراق الشين ( جنّد لي جنود ) !=وجروح ذكراها تبي تـبـطـي ,, ولا داويـتـهـآ ,
يطول ليلي والقصيد يفيض .... وهمومي تجود =وكم ليلةٍ , من عقب فرقاها مضت / ولا أمسيتها
إليا أشتغل مشروعها بالصدر ,, والعالم رقود !=حنّيت لأيام ( عدّتني ) .. ولا عدّيتهـا
ايام كانت ( ماتطيق البعد ) , وتخاف الصدود =وعلى " عظيم الحبْ " .. صافتني وانا صافيتها ,
أدري ان عليها ( كلام الخبل / وعيون الحسود ) =وعن باقي العذال .. وسط الحشا .. ( آويتهـا )
أيام " راااااحت " ليتها بالحب , والفرحه تعود =لكن ؟ .. ما كل الأماني / تتم بلـيـتـهـا ..
( الموت ) ماهوب من طول فرقاها .. " معطّشت الكبود "=الموت :- لا جاها الممّلك , والعريس فـي / بيتها