هزيت غصن المـدح لطف وميانه = وطيّرت من مغناي قمرية البان
وقدمت لعيون المواقيف دانه = اغلى من أيحاء المغاني والاوزان
فاضت وفا والهجس مطلق عنانه = مغنا يلج.. ويشرح البال لازان
غنو على المسحوب بأعذب بيانه= صوت(ن) تعابيره على راس مابان
قد قالو الطيّب (وسيع" بطّــانه) = وانا بأقول الطيب (ميـراث الأخوان)
بعد لبست البشت والعز عانه = موقف فخر يروى على مر الأزمان
محمد أبن حامد.. رفيع المكانه = عنوان طيب ان كان للطيب عنوان
خوالنا,, والسيف سلة سنـــانه = ينبيك عن ميقاف روغات الاذهـان
قرم(ن) مراهن به بيكسب رهانه = ماهو بـ موقف حين يابعض الاحيان
محمد ابن حامد وللمدح خانه = يشتال نقّــال الحموله بليهـــان
والاد وايــل والوفا له كيــانه = ربعي توصيبه على قدر الأمكان
الرزق لامن جاك ..ذل..ومهانه = ودك يقفــل دون الارزاق بيبان
الشكـر له داعي وجل امتنانه = من حاولو بالجاه وأفلان لـ فلان
لأحدن يقول الناس كلن وشانه = بالسوق سوامه وللعمر ديان
في سلمهم بيض المواقف امانه= من جدنا الأول نوّصى الى الان
والا ملاذ الحس ..في عنفوانه = ثوب المديح اليا زهى طرس الالحان
وانا.. اهز الغصن.. لطف وميانه= وطيــّرت من مغناي..(قمرية البان)
اطرقبها (المسحوب) واعليت شانه= صح الله لسان المواقف والأبدان