القهوة و ( الدلال الصفر ) عادة عند العرب توارثها الأجيال من قديم الزمان وحتى يومنا هذا وللقهوة معنى كبير عند العرب كتبوا فيها القصائد وأرخوا فيها المواقف والأحداث سأقوم بسرد بعض القصص عن القهوة وسنبداء بدغيم الظلماوي : دغيم الظلماوي من قبيلة شمر ومن اشد الرجال حرصاُ واعتناءُ بالقهوة وجرت له مواقف كثيرة كانت تودي بحياته , ف لقد عاش دغيم الظلماوي في الفترة فيما بين 1260/1324 هـ .. برع في عمل القهوة وتقديمها الى جانب كرمه ودماثة اخلاقه وحرصه على معالي الأخلاق , واصبح له طريقة في عمل القهوة لايكاد يجاريه احد حيث يؤثر عنه انه في أي وقت تأتيه , ليلاُ كان ام نهاراُ تجد على وجار ناره سبعة دلال مباهير(جاهزة) وفي روايه اخرى ثلاثة وفي رواية دلتان الأولى للمستعجل والاخراى للمقيم , وقد قال قصيدة المشهورة : يا كليب شب النار يا كليب شبه = عليك شبه والحطب لك يجابي انا علي يا كليب ماها وحبه = وعليك تقليط الدلال العذابي أدغث لها يا كليب من سمر خبه = وشبه ليا منه هبا كل هابي باغ ليا شبيتها بالمشبه = تجذب سراه من بعيد غيابي بنسريه يا كليب ياشين هبه = لاهب نسناسة تقل سم دابي متحيزمين وناطحين مهبه = متلطمين وسوقهم بالعقابي أظهر لهم وابدي سلام المحبه = لاشح بالهين كبير العلابي سلام احلى من شهاليل جبه = واحلى من السمن الجديد العرابي مع كبش مصلاح لراسه نجبه = ومن مضرب السكين حن الركابي الوالمه ياكليب عجل بصبه = والرزق عند اللي ينش السحابي صبه لقرم صرفته ما حسب به = يوم البخيل مكنهب الوجه هابي صبه لمنعور لي جاك نبه = يرخص بعمره والدخن له ضبابي وعده عن اللي ما يداري المسبه = اللي يدور بالقصير الغيابي لا جاضع المنزوع خطو الجلبه = ياحلو تال الليل خبط الركابي خطو الولد يوم الملاقا نكبه = يصير معهم من حساب الزهابي حتيش لو يلبس زبون وجبه = معيرة على غضير الشبابي أنا لقيت الصبر يازين غبه = يرقيك روس مشمرخات الهضابي من لاصبر يا كليب في حكم ربه = هذاك يوم البعث ماله ثوابي تناقل الرواة هذه القصيدة وقالها احد الرواة في مجلس الأمير/ محمد العبدالله الرشيد عظيم نجد وداهيتها ولفت نظر الأمير بيت دغيم : الوالمه يا كليب عجل بصبه = والرزق عند اللي ينش السحابي فقال الأمير هل يعقل أن دلة دغيم طول اليوم والمه (( نهار وليل )) فـ عزم الأمير ان يتأكد من صحة ما قاله دغيم بالقصيده وفي احد الليالي وبعد صلاة العشاء نب على خمسه من خاصة الخويا بعزمه على المسيار على احد الرجال دون ان يخبرهم من هو فإتجه بهم قاصدا دغيم الظلماوي وحين وصلو الى بيت دغيم صوتو ياراعي البيت فتنبه من نومه قائلا ياهلا تفضلوا فإذا النار حية والوالمه على جاله وكان الأمير متلثما بشماغه فكشف عن وجهه وقال الوالمه ياكليب عجل بصبه فإعتدل دغيم بجلسته مذهولا فقال : حلفت أنا بالله دين المثاويب = والله ثلاث أديان والله والله شده رهن لولاك ما قلت يا كليب = ولاقول شب النار في موقد له يابا المحرول والعمى والمحاديب = وابوٍ لمن صار العصا ثالث له وأبو اليتامى والأرامل ومن عيب = لاغبت يا حمض الكبود المخله تقعد محاليب وتكفي محاليب = كبد تيبسها وكبد تبله المرجله بير عسير المجانيب = عسر على غيرك بعيد مصله تتعب مصاعيب الحرار المخاليب = تسعين باع ربعها كان قله طلته ونلته يا نحاز الاجانيب = وصدته كما حر يصيد الحبله يا امير طيبك ما لقي له حواسيب = ظلما وغيم وتايه به مدله ماتستحي لا ياقليل العذاريب = لو تستحي ما تاخذ الطيب كله اودعت عيان النشاما زواريب = من كثر ما تاخذ حلال وجله من كل يم لافياتك مراكيب = ماهو غلا واظنها مار ذله يامال عمرك بالوطا مدة شعيب = بجاه الولي خلاق دقه وجله ارفق عسى يهديك من يعلم الغيب = من جود نفس سامحه مسفهله وأنا دخيل حمود حصان الاطاليب = يا ناشن المسمار بالجاز تله