الهنوف اللي كساها الزين في جوف العبايه = جادل(ن)يابو فهد هزت ركون الفيصليه
فتنة اللي يعشق الجزله ومتقن للرمايه = صوبت فكره وشبت جوفه النار اللظيه
مهرة(ن)عسافها يتعب ولا حصّل نهايه = اتفنن في عذابه بالهداوه والرويه
بين سور الجامعه وارواقها تلت حشايه = تلت اللي مايعرف الهون وعزومه قويه
الله الله كانها بافعالها تبغى شقايه = بشتكيها للقصيده والحروف الابجديه
شاعر(ن)لعيونها صاغ الحروف اجمل روايه = من غلاها حرف يشطب حرف ليلى العامريه
مترفه بالزين واثر الزين لامثاله غوايه = وردة(ن) غطى شذاها كل ورده نرجسيه
أتمايل مثل عود الخيزرانه لجل غايه = ميلت مع ميلها قلب الديار الطايفيه
من دلعها ترسم الخطوه بدقه وبدرايه = ملح ممزوج بغرور ومقتفيها نفح فيه
اه ياشوق الفؤاد واه ياسبة عنايه = اتق الله في عباده كان عندك مقدريه
لاتّمادى في عذابي والنظر منك كفايه = عاشق شاعر ومغرم في وصفوفك يابنيه
بين تحقيق المحال وبين وصلك يارجايه = ابتدى فصل الحكايه وانتهت هالمسرحيه
ياوجودي كل ماطالعت نجم(ن) في سمايه = اتخيل غرته وسط الليال السرمديه
بردها ضيع حصيل اللي جمعته في دفايه = وانكسر بروازها يابو فهد وسط الخليه