قصيدة للشاعر / رزن ماشع الرهيف في بناخيه / سلمان سلطان المندهه القصر شكله كبير وتعجب ابوابه .............لاكن ياللأسف ماهي بمفتوحه ان كان ماهو بمنصى ويش يبغابه .............ويش يفرقه عن خرابة حي منفوحه القصر طيبه يجي من طيبة اصحابه .............وأهل الردى بالردى ماهي بممدوحه عده لسلمان فعل الطيب يزهابه .............حر(ن) فروخ الحباري ماتجي شوحه سلمان سلطان يعجبك بترحابه .............والطيب والهيل واغلا الحيل مذبوحه طيبه على ساس مثل النور يسرابه .............ماهي برسمة طباشير(ن) على لوحه عساه يسلم من الصادوف وسبابه .............وعسا ذنوبه نهار الحشر مسموحه