http://www.sokrbnat.com/upload/uploads/13320948282.mp3 يالعنود الجفاف ادمى شفاهي وجوفي=انحنى بي غصون ومات ورد وخمايـل الزمن لانسـى الرجـال هـد الكتوفـي=وان صفى له حنا حدره شيـوخ وقبايـل وانتي العام عشق وملهمـه للحروفـي=يحفظ اسمك جماهير وقصيـد ورسايـل وانتهى بك ربيع العمر قبـل النصوفـي=مالهج بك جنيـن ولا خضبتـي جدايـل والعرب مايراعون الغـلا والضروفـي=ماعطوا قيس ليلـى بالسنيـن الاوايـل ودعي بي طعونً شامخه مـع وقوفـي=البنـادم ولـو عمٌّر سنينـه قـلايـل دونك الشرع غير مخضّبيـن السيوفـي=مني اقرب وعيّوا بـك عيـال الحمايـل لاتقولين ويـن احلامنـا و الحلوفـي=لاتعيدين وش قلتـي ولا كنـت قايـل ! شاعرك يالعنود اليا عطا العلـم يوفـي=ليتها بالمراجل فـوق سـرّد الاصايـل والله اني لااوردها العطب من كفوفـي=فوق شقراً تحالي لـك ويابـس بلايـل ووالله اني لااعرضّها السّرب والصفوفي=نذر مااقول دون مشاهدك حال حايـل لين يرضيك مركاضي وعينك تشوفـي=مير حيل الله اقوى مابقى لـي وسايـل