واقف وانْتظـر رجعتـك ليـن المغيـب = واقْفت الشمس واعْلن صبْحي الانسحاب ! ماهقيت الامل في ظرف ساعـه يغيـب = لين شفت الاماني تعشـق الاغتـراب ! ياقريـبٍ غريـب وياغـريـبٍ قـريـب = الوطن ضاق من طول السهر والغيـاب ! خيّم الليـل فـي صـدره وزاد ه نحيـب = وذْرفت غيمة الذكرى دمـوع العـذاب ! كل شـيٍ بعـد غيبتـك صايـر كئيـب = وكل حلمٍ بعد ماقفْيت اصبـح سـراب ! كيف ابخْفي جريحٍ مالقـا لـه طبيـب ؟ = كيف اداري عذابي والمواجـع كتـاب ! تصرخ حروفه بوجـه الزمـان وتجيـب = رجْفة الصوت شرهات الهوى والعتاب ! ماهقيت انْ ظنونـي فيـك مـره تخيـب = لين حطّيـت مابينـي وبينـك حجـاب ! لين ما ادْميت جـرْحٍ بالحنايـا عطيـب = لين سكّرت في وجه اللقـا كـل بـاب ! غيب .. مادام بعدك والمفـارق نصيـب = ارحل وصد .. لو شمع الهوى منْك ذاب !