منتدى بني عزيز الرسمي من مطير - عرض مشاركة واحدة

اوسمتي · 12-07-2012, 10:08 PM

سلام ياربعي عريبين الانســــــاب
ياهل الوفاء والطيب واهل الحميه

ماني مميز فالاسامي والالقــــاب
الكايده تنصى زبون الونيـــــــــه

امد فنجال الغلا ود وعتـــــــــاب
الصبر طال وفاحــــت الشاذليـه

يوم انها بندق وشلفا ومشعاب
وقفاتنا في مامضى صامليــــه

ناطا الخطر والموت ماواحد ايهاب
في صف واحد عزوته وايليــــــــه

واليوم عودنا جماعات واحـــزاب
كلن يبي يمسك خطام المطيــــــه

وشهو مفرقنا على صفحة الواب
وقلوبنا ماوسطها عنصريـــــــه

اللي معارضني يوضح لي اسباب
واللي معي لايهملون القضيـــــه

هذي علومي يافطينين الالبـــاب
وابا انتظر وش رد ربعي عليه

مع ارق تحيه

وهذا مجاراة الشاعررويضي بن وسمي العزيزي حين ماطلبت ابداي الراي في هذي القصيده
وقام بالرد مشكوراً واستاذنك بطرحها

يامـــرحــــــبا يالليـــث تقدير واعجاب=ومعــــزةٍ مــــن طــيــب خاطر ونيه
عــــين العـــقــــل لاصارللرجل هنداب=ويمـــتاز باسـلـــــوب العقول الرقيه
الكـــــيف له فــي مجلس القوم شراب=والــدله الصـــفراء لــهـــا قـــابلــيه
راياتنا بيــــضـــاء على كل مـــــرقاب=في وقــتـــنا الحـــاضــر وفالجاهليه
لن صـــار فالوقـــفات مـيقاف غصاب=نــحــــمــــدالله شــــبــة النـار حــيه
لــو يتــخالــــف راينا نرجــع اقـــراب=وترجــــع طــــبــوع جدودنا الاوليه
واريا العرب صنفين ماخطاء وماصاب=ولايــصـــح الاصــحـــيح الســـجيه
والناس تطــــمــــع والعلا شيء جذاب=ولاكل مـن حاول ضـــوى له بسيه
الحــــق نور ولا عــــن الحــق مجناب=يرضي وترضىاهـ النفوس الزكيه
والبـــيـــت له عــمدان واوتاد واطناب=ولاتـــــعـــــــــزز هــــــذي الا بذيه
ورجــــواي للـــي مـــن ترجـاه مـاخاب=نجــــــمـــــع على دينه وسنة نبيه
واقبل ســــــلامي عد ماشرق وماغاب=فــــلاج صـــــبح اللــــيله الخرمسيه