منتدى بني عزيز الرسمي من مطير - عرض مشاركة واحدة

اوسمتي · 05-18-2013, 09:34 AM

( 0000 ) ما انسى حبها دامني حي

حتى ولو بعض العـرب مابغوهـا

حيث ان فيها اللي كوى خاطري كي

واللـي ملـك مشاعـري كلبوهـا

واحتل قلبـي مثـل بغـداد ياخـي

اللي غزوها قوم بـوش وخذوهـا

غصبٍ على صدام وعدي وقصـي

ماكنهـم طـول السنيـن احكموهـا

طويت حالي ياشبيـه المهـا طـي

تنسى المحبـه والعـرب مانسوهـا

ياعود ريحانٍ علـى ساقـي الـري

عليـه عبـار السواقـي نحـوهـا

يوم اني انصاهم واجنب عن الحـي

ماهيـب جفـوه يابـدر علمـوهـا

اخاف اواجه لي على بابهـم عـي

من يقنـع العيـات لارحـم ابوهـا

ملقـوف والا مايخصـه ولا شـي

لاهوب لابوهـا ولاهـوب اخوهـا

وشفي مع البدوان شبابـة الضـي

اللـي تقاليـد العـرب جـودوهـا

حتيـش والله ياهـل الشـام ودبـي
اليـا ذبحنـي حبهـا سامحـوهـا