الغلا والمحبه والهوى والغرام دهورتني ورحت امشي بمقدامها اتوارد مثل ذودً حدها الهيام عن قراح المشارب داير عامها والله ان الهوى يجفى لذيذ المنام ويشغل الصايمين ويجرح صيامها تنثني له اقارب عند اهلها عظام ينثر دموعها ويصخر اقلامها كل ماذعذع الغربي وناح الحمام ذكر العاشقين بزهرة ايامها ياهوى البال حب المخلصين الكرام ينبذ المجرمين ويكره اجرامها في ضميري كلام وفي عيوني كلام وكان تبغى الحقيقه فاسمع اختامها انت حبك يناله في ضميري مقام ماتجي حوله العشاق واحلامها جاك عشرة بيوتً من ضميري تمام تحفةً زينها من كف رسامها #فيصل_المندهه