أتمنى أن تنـــال إعجابكـــــــــــــم يافهد قلبي ليا جيت أستـــــــــريح = حل بــه هاجوس بقعا واحتـــــــــواه من ورا عوج النحايف له فحيـــح = فـــوح بـرادٍ نســـــاه اللي مــــــــلاه أشهد اني لا وقفت امشـي واطيـح = طيـحة المصـــروع لاخمـه بــــــــلاه كـل ماذعــذع شمال وهـب ريــــح = اذكـــر اللي تـــل قلبي من حشـــــاه من تولع في هوا الظبــي المليــح = لامشــــى قـــدام مـا يـرجـــــع وراه حيث طـّراده عمــى ماهو نصيـــح = مايطيع اهـل النصيــحه من عنــــاه اثر حــب الغيـد مفعوله صحـيـــح = لاوقــع فالقلــــب ياصل منـتـهــــاه والله اني من هوا خلي جـريـــــح = جـــــــرح مايـبـرى ولا نلقــى دواه دام قلب صويحبي ماهو صريــح = ليت قبل يـبـيـع قلبي ما اشتـــــراه