السلام عليكم ورحمة الله وبركاته كيفكم أيه الأعضاء والزوار الغالين والله أني أحبكم في الله ومن حبي لكم كل ما أعجبني شي حبيت انقله لكم والآن أقدم لكم هذه الشيلة لملك الحناجر والشيلات تركي الميزاني وهي قصيده بعنوان الوداع الأخير طبعا حتى ما احد يقول ليه ما جبتها بفيديو جبتها لكم بفيديو وكذالك حتى تتعضون أكثر لأن فيها تذكير بالقبر والعذاب وجهزتها لكم أيضا بصيغة للجوال للي بيحملها وكذالك نقلتها لكم كتابتا بس أبي منكم خدمه صغيره وهي دعواتكم ولكم مني أطيب التحيات وأترككم مع القصيدة الأن - وآمل ان تنال اعجابكم أولا : القصيدة بفيديو ثانيا : القصيده كتابتا يا مالك الملـك يالواحـد شديـد العقـاب=يا غافر الذنب يا مرسـل رسولـك نذيـر يا خالق الخلق يا محصى الخطا والصواب=تعالت اسماك مالك فـي صفاتـك خشيـر يا محي الارض بأمرك من حمول السحاب=يا عالمن فالحيـاة ومـا يـؤول المصيـر يا جامع الناس في يوم الحشر والحسـاب=مافيـه فـرقٍ هـذا تاجـر وهـذا فقيـر كل الخلايـق سـوا الا بحمـل الكتـاب=لا شخصت ابصارهم يوم النهار العسيـر احدٍ فتح له كتابـه صـوب جنتـك بـاب=واحدٍ هوابـه اكتابـه للسخـط والسعيـر يا رب رحمتـك لا هلـو علـي التـراب=واصبحت مالي عن الوحشه مفر ومطيـر واقفوا ولدموعهم فوق الخـدود انسكـاب=واسمع قريع احذيتهـم فالـوداع الاخيـر ودخلت في عالم البرزخ وطـال الغيـاب=وفارقت كل القرايـب والاهـل والعشيـر وجونـي ملائكتـك العمـل والـعـذاب=استسلمت نفسـي لمنكـر وجانـي نكيـر في موقفٍ للسؤال يزيـد ثقـل الجـواب=الا برحمتـك اللـي فالخفـايـا خبـيـر يا رب حملـت نفسـي بالشقـا والعتـاب=ومديت حبل الخطا لبليس واصبحت اسير ازل واقـول انـا تـوي بسـن الشبـاب=واليا نصحني محب اقـول تـوي صغيـر ما كنت احسب لوقتي والليالـي احسـاب=ولا كنت افكر وش اللي في زماني يصير الا بعد ما نصفت العمر والـراس شـاب=وفقدت من ربعي الادنيـن جمـعٍ غفيـر عرفـت ان الحيـاة مصارعـه واكتئـاب=واني مودع ولالـي غيـر ربـي نصيـر ومن لا تزهب من التقوى لنفسـه زهـاب=لا مات وش حجته يـوم النهـار الكبيـر فالموقف الي مافيـه امجادلـه وانسحـاب=منهوله لهاك النهار يشيـب راس الغريـر لكن اليا اذنب نبي آدم واعترف ثـم تـاب=الله يغفـر الذنـوب وينصـر المستجيـر ثالثا : القصيده لتحميل بصيغة الجوال حملها من الملفات المرفقه اسفل الموضوع