اقتباس: المشاركة الأصلية كتبت بواسطة حفيد عامر خوي الذيب عودة من أجل من أحتلت كلماتي جزء بسيط من مشاعرهم أتمنى أن أكون بكم ومعكم ولكم: جيت اودع حبي اللي مابقاله=غير دمعة في عيوني مستكنه عاشقك من سبتك منّسم حاله=والليال السود للماضي خذنه عاشقك ياما صبر للحمل شاله=ينتظر وعدٍ وعودك خالفنه لاقسى وقته وقف له وأرتكاله=ماهقى سود الليالي يغيرنه لين شافك ناسي وسالي وداله=أنصدم من شوفتك ثم خاب ظنه أعتقد مافيه واحد ماشكاله=في قصايد من قراها عذبنه من سمع قصايده واللي جراله=حن ودموعه بخده سابقنه والله أنه ماسكن غيرك فباله=يوم ترفات الصبايا يمتننه بس هالمرة ترى بعدك طراله=بعد ذكراك الجميلة ودعنه جيت أودع حبي اللي مابقاله=غير ونة بالحنايا مستكنه __________________________________________________ ______ لاقسى وقته وقف له وارتكاله = ماهقى سود الليالي يغيرنه اعتقد مافيه واحد ماشكاله = في قصايد من قراها عذبنه مثل ماقلت لك سابق وعلى قولك ( اعتقد) اجمل منك مافيه يابو مرزوق تقبل مروري