على طاري دروب الشوق والتضحية والبوح=ذكرتك غرامٍ تل قلبي وقفابه كتبتك قصيدة تشتكي والعذاب جروح=عزفتك لحن بكّى غريبٍ تغنابه رسمتك بلوحات الغلا من صميم الروح=خفوق على شانك هنا العيش ضحابه ولا فادني كثر التعب والسهر والنوح=على درب حبك خاطري نوّخ ركابه فعلت الخطيه قدم عيني وأنا المجروح= جرحت الضماير والخطأ نجهل أسبابه ولوهو خطأ عادي ترى أقول لك مسموح=ولكن حقيقة حب قلبٍ تسلى به أنا ماقهرني غير كلمة (أجي وأروح)=بكيفي ولا أنته لي ولي أمر وأهابه أنا لو دريت إن عشرتك مابها مصلوح=تركتك ولا خليت مثلك لي طلابه